MercyMe-მ, ქრისტიანულმა მუსიკალურმა ჯგუფმა, რომელიც ცნობილია სიმღერით „I Can Only Imagine“, რომლის შესახებაც ამავე სახელწოდების ფილმიცაა გადაღებული, ცოტა ხნის წინ გამოუშვა ახალი ალბომი, სათაურით Inhale (Exhale) (ჩაისუნთქე/ამოისუნთქე).
ალბომში წარმოდგენილია სხვადასხვა მუსიკალური ჟანრის სიმღერა, დაწყებული პოპ-როკის ჰანგებით და დამთავრებული ბალადებით, თუმცა ალბომის მთავარი სათქმელი უცვლელია – იესო ქრისტე არის გადარჩენის გზა.
ალბომს დიდ წარმატებას უწინასწარმეტყველებენ. სიმღერა „Say I Won’t“ ალბომიდან Inhale (Exhale) უკვე მოხვდა მრავალი ქრისტიანული მუსიკალური ჩარტის ათეულში. ამჟამად სიმღერა iTunes-ზე მეექვსე, ხოლო Christian Top 40-ის სიაში მე-10 ადგილზეა. გარდა ამისა, ის ასევე მე-6 ადგილზეა Billboard-ის ტოპ 100 ქრისტიანულ სიმღერაში.
„ჩვენი ჯგუფი 27 წელია არსებობს, ამ ხნის განმავლობაში წარუმატებლობაც განგვიცდია და აღმასვლაც. ის, რომ მსოფლიოსთვის ასეთ რთულ დროს ჩვენ განვაგრძობთ მუსიკის შექმნას, ვფიქრობ, ჩვენი ყველაზე დიდი გამარჯვებაა.“ – განაცხადა MercyMe-ს სოლისტმა, ბარტ მილარდმა.