ახლახან კინოეკრანებზე გამოვიდა ტრეილერი ახალი საოჯახო, ქრისტიანული ფილმისა „მრევლი“, რომელიც დროული შეხსენებაა იმის შესახებ, რომ სახარება საკმარისია. ფილმი საინტერესოა იმითაც, რომ ის კომედიური ჟანრისაა, რაც ქრსტიანულ ფილმებში საკმაოდ იშვიათა.
ფილმში „მრევლი“ მთავარი როლის შემსრულებელი სტივენ ბოლდუინი, ქრისტიანი კომიკოსი თორ რამსი და სხვა მსახიობები მოგვიყვებიან ისტორიას რეალურ ადამიანებსა და მათ რეალურ სირთულეებზე. ფილმი ადამიანებს შთააგონებს რწმენას იესო ქრისტეს შესახებ.
ფილმში ყველაფერი მას შემდეგ იწყება, რაც ახალგაზრდა ამერიკელი ხუცესი აღმოაჩენს, რომ პრობლემები აქვს ეკლესიის მარკეტინგულ საკითხებთან დაკავშირებით, რასაც სულიერი სირთულეებიც ემატება. ის ცდილობს, დაუბრუნდეს ძველებურად, მთელი გულით მსახურებას და სწორედ ამ დროს უწევს რთული ნაბიჯების გადადგმა პირად ცხოვრებასა და მსახურებაში.
ფილმი Fathom Event-ის ფარგლებში 13, 14 და 15 მარტს გამოჩნდება ეკრანებზე.