ჰოლივუდის ვარსკვლავები დენზელ ვაშინგტონი და რომა დოუნი კინოთეატრებს ქირაობენ, რათა მხარი დაუჭირონ ამერიკელი ხუცესის მიერ გადაღებულ დოკუმენტურ ფილმს „ჩიკაგო: ამერიკის ფარული ომი“, რომლის ხალხისთვის ჩვენებას ფილმის შემქმნელები კინოთეატრების მიერ წაყენებული ბიუროკრატიული მოთხოვნების გამო ვერ ახერხებდნენ. მსახიობების ძალისხმევით, ფილმის პრემიერა ქვეყნის კინოთეატრებში 13 მაისს გაიმართა.
მას შემდეგ, რაც სრული იზოლაციის მოხსნის შემდეგ კინოთეატრებმა მუშაობა განაახლეს, პროდიუსერებს პრობლემა შეექმნათ დოკუმენტური ფილმის კინოთეატრებში გაშვებაზე. ჰოლივუდის მსახიობების, უფლებადამცველების, ქრისტიანი თემებისა და მედიასაშუალებების მხარდაჭერის შედეგად, ახალგაზრდულმა ორგანიზაციებმა შეძლეს, ახალგაზრდებისთვის ეს ფილმი მაინც ეჩვენებინათ.
აშშ-ის თავდაცვის სამინისტროსა და ჩიკაგოს პოლიციის დეპარტამენტის ცნობით, 7 000 ამერიკელი დაიღუპა ავღანეთსა და ერაყში 2001 წლიდან 2020 წლის ჩათვლით, როცა ამ დროის მონაკვეთში ჩიკაგოში ეს რიცხვი 10 000-ს შეადგენს. სტატისტიკის მიხედვით, 2020 წელს სიკვდილიანობის 90.9% იარაღით ძალადობის მეშვეობით განხორციელდა. ანგარიში გვიჩვენებს, რომ ყოველ 2 საათში ერთ ადამიანს ესვრიან, და ყოველ 10 საათში ერთი ადამიანი კვდება.
დიმას სალაბერიოსისა და მისი მეუღლის, ტიფანის, მიერ გადაღებული დოკუმენტური ფილმი „ჩიკაგო: ამერიკის ფარული ომი“ „ოსკარის“ დაჯილდოების საუკეთესო დოკუმენტური ფილმის კატეგორიაში განიხილება.
ხუცესი დიმას სალაბერიოსი ჩიკაგოში, ამერიკის ერთ-ერთ ყველაზე სახიფათო ქალაქში იმ მიზნით გაემგზავრა, რომ ელოცა და ემარხულა იქ გამეფებული მკვლელობისა და ძალადობის დასრულებისთვის. აქ ბავშვები დიდი საფრთხის ქვეშ იმყოფებიან და თავს დაცულად მხოლოდ სკოლასა და ეკლესიაში გრძნობენ.
სალაბერიოსი, ყოფილი ნარკობარონი, ახლა კი უკვე მისიონერი ნიუ-იორკიდან, მოწოდებულია, რომ ებრძოლოს ამ სისხლისღვრას ჩიკაგოში. უამრავი მიძღვნილი ადამიანი მუშაობდა იმაზე, რომ ის, რაც რეალობაში ხდება, ფილმშიც ასევე ასახულიყო.