„გრემის“ ჯილდოს მფლობელი ქრისტიანული ჯგუფი „For King & Country“ სულ მალე ორი ფილმის მთავარი გმირი გახდება. ერთი დოკუმენტური ფილმია ბენდის და მათი გზის შესახებ პოპულარობისკენ, ხოლო მეორე საოჯახო დრამაკომედია გახლავთ.
პირველი დოკუმენტური ფილმი, სახელწოდებით „სიდნეიში დაბრუნება“, ასახავს ავსტრალიელი ძმებისა და მათი დის – მომღერლისა და კომპოზიტორის – რებეკა სენტ ჯეიმსის სახლში დაბრუნებას მუსიკალური სამყაროს დაპყრობისა და სახელის მოხვეჭის შემდეგ. მუსიკოსებს მოპოვებული აქვთ „გრემისა“ და „ბილბორდ მუსიკის“ ჯილდოები. ფილმში, რომლის რეჟისორიც მათი ძმა ბენ სმალბონია, მაყურებელი იხილავს მათ ოჯახურ ვიდეოებს და ისეთ კადრებს, რაც აქამდე არ გასაჯაროებულა.
მეორე ფილმის სახელწოდებაა: „უცნობი გმირი“.ეს გახლავთ საოჯახო დრამაკომედია, რომელიც მოგვითხრობს სმალბონების ოჯახის თავგადასავალს ამერიკაში. აქვე ვეცნობით მათ დედას, ელენ სმალბონს, რომელიც თავისი რწმენის მეშვეობით 9-სულიან ოჯახს აერთიანებს და ყოველ გასაჭირს თავგადასავლად გარდაქმნის თავისი შვილებისთვის.
„გეპატიჟებით, რომ შემოუერთდეთ ჩვენი ოჯახის თავგადასავალს. ჩვენ მთელ ჩვენს ცხოვრებას ფარდას ვხდით.“ – აცხადებენ იოელ და ლუკ სმალბონები.
„უცნობი გმირის“ სცენარის ავტორი რიჩარდ რამსი, ხოლო პროდიუსერები ბარნეტ, პაუელ და დევიდ სმალბონები არიან.