პირველი ადგილი
უკვე 128-ე კვირაა, რაც ცნობილი ამერიკელი მომღერლის, ლორენ დეიგლის სიმღერა „You Say“ ჩარტებში პირველ ადგილს იკავებს. ამ სიმღერას YouTube-ზე 210 მილიონზე მეტი ნახვა აქვს. პირველად ის 2018 წლის 13 ივლისს გამოქვეყნდა, როგორც ლორენის მესამე სტუდიური ალბომის, „Look Up Child“-ის წამყვანი სიმღერა. მომღერლის თქმით, მისი მთავარი სურვილი და მიზანია, ამ სიმღერის მეშვეობით ადამიანებმა გააცნობიერონ, თუ როგორ უყურებს ღმერთი მათ.
მეორე ადგილი
მეორე ადგილზე გახლავთ თანამედროვე ცნობილი ქრისტიანი მომღერლის, Phil Wickham-ის სიმღერა, სახელწოდებით „Battle Belongs“. სიმღერა პირველად 2020 წლის 4 სექტემბერს გამოქვეყნდა ალბომ „Hymn of Heaven“-ის წამყვან სინგლად.
მესამე ადგილი
მესამე ადგილს იკავებს დევიდ კროუდერის სიმღერა, სახელწოდებით „Good God Almighty“. ის 2021 წლის 15 იანვარს გამოქვეყნდა მისი მეხუთე სტუდიური ალბომის, „Milk & Honey“-ს წამყვან სინგლად. კროუდერი ამ სიმღერასთან დაკავშირებით ამბობს: „რაც ყველაზე მეტად მომწონს ამ სიმღერაში, არის ის, რომ ერთობა იგრძნობა. სწორედ ეს გვჭირდება, ერთობა და ჰარმონიულობა.“
მეოთხე ადგილი
მეოთხე ადგილზე გახლავთ „MercyMe“-ს სიმღერა, სახელწოდებით „Say I won’t“. ეს სიმღერა შთაგონებულია ერთი გმირი კაცის ისტორიით, რომელმაც ცხოვრების უდიდესი კრიზისი სიმტკიცითა და რწმენით გადალახა. ეს ადამიანი გერი მირაქლია, რომელმაც 2020 წლის იანვარში ოთხივე კიდური დაკარგა, თუმცა ამის მიუხედავად, ის იობის ამბავს იხსენებდა და ამბობდა: „‘უფალმა მომცა და უფალმა წაიღო’. მან ჩემი ხელები და ფეხები წაიღო, მაგრამ ამ მუხლის დანარჩენ ნაწილში ნათქვამია: ‘კურთხეულ იყოს უფლის სახელი’. ეს არის ის გზა, რომელსაც ახლა მე ვირჩევ“. იობი 1:21 – „თქვა: შიშველი გამოვედი დედაჩემის მუცლიდან და შიშველი დავბრუნდები იქ. უფალმა მომცა და უფალმა წაიღო. კურთხეულ იყოს უფლის სახელი!“ „MercyMe“-ს წამყვანმა მომღერალმა, ბარტ მილარდმა ამასთან დაკავშირებით განაცხადა, რომ იგი ისე იყო აღფრთოვანებული გერის შთამაგონებელი ისტორიით, რომ სურდა, ეს მსოფლიოსთვის გაეზიარებინა.
მეხუთე ადგილი
და ბოლო, მეხუთე ადგილი. ამერიკელი ქრისტიანული როკის არტისტის, ზაკ უილიამსის სიმღერა, სახელწოდებით „Less Like Me“. ეს სიმღერა 2021 წლის 15 იანვარს გამოქვეყნდა და 4 მილიონზე მეტი ნახვა აქვს.