20 ნოემბრიდან იწყება საშობაო პოეზიის მარათონი, რომელსაც საქართველოს ევანგელური ალიანსი და ორგანიზაცია „სოლა ფორუმი“ ხელმძღვანელობენ.
ნებისმიერ დამწყებ თუ გამოცდილ პოეტს ევანგელური ეკლესიებიდან, შეეძლება მარათონში მონაწილეობის მიღება. საჭიროა ლექსის ან ლექსების გაგზავნა ელფოსტის შემდეგ მისამართზე: saloforum@gmail.com
მარათონის ფარგლებში გაგზავნილი ლექსები საავტორო უფლებების დაცვით გავრცელდება ევანგელურ ეკლესიებში საშობაო ზეიმებსა და საკვირაო სკოლებში გამოსაყენებლად.
ლექსები ანონიმური წესით შეფასდება ალიანსის სამი წევრისგან შემდგარი ჟიურის მიერ, რომელიც იხელმძღვანელებს შემდეგი კრიტერიუმებით: მხატვრული ღირებულება და საშობაო თემატიკა.
მარათონი გაგრძელდება 20 დეკემბრამდე, ხოლო სამი საუკეთესო ლექსის ავტორი დაჯილდოვდება წამახალისებელი პრიზითა და წლის ავტორის წოდებით.