„ბეჯითი ხელი იბატონებს, ზარმაცი კი ხარკად იქნება.“
„სიზარმაცე ძილს მოჰგვრის კაცს და უქნარა სული იშიმშილებს.“
„სიზარმაცისგან ჭერი ჩამოიქცევა, გულხელდაკრეფისგან წყალი ჩამოვა სახლში.“
„ზარმაცი ხელს ჯამში კი ჩაყოფს, მისი პირთან მიტანა კი ეზარება.“
„ვინც ზაფხულში აგროვებს, გონიერი შვილია, ხოლო ვისაც სამკალში სძინავს, სამარცხვინო შვილია.“
„ზარმაცის სულს სწადია და არა აქვს, ბეჯითთა სული კი გამსუყდება.“
„ზარმაცი არ ხნავს შემოდგომიდან, მკის დროს კი მოითხოვს და არაფერი ექნება.“
„წადი ჭიანჭველასთან, ზარმაცო, ნახე მისი გზები და დაბრძენდი.“
„როდემდე იწვები, ზარმაცო, როდის ადგები შენი ძილიდან? ცოტა ძილი, ცოტა თვლემა, ცოტა გულხელდაკრეფა დასაწოლად, და მოვა, როგორც მგზავრი, შენი სიღატაკე, და გაჭირვება – როგორც ჯარისკაცი.“
„ზარმაცი კაცის მინდორთან გავიარე და უგუნური ადამიანის ვენახთან, და აჰა, სულ მთლად ღვარძლად ამოსულიყო, მისი ზედაპირი ეკალ-ბარდებს დაეფარა და მისი ქვის ზღუდე დანგრეულიყო. და ვიხილე, გულისყური მივაპყარ, დავინახე, დარიგება მივიღე: ცოტა ძილი, ცოტა თვლემა, ცოტა გულხელდაკრეფა დასაწოლად და მოვა მგზავრივით შენი სიღატაკე და შენი სიღარიბე – ფარიანი კაცივით.“