მსოფლიოს, ერებს, ეკლესიებს ძალიან სჭირდებათ ხალხი, რომელსაც შეუძლია ლოცვაში დასახული მიზნების მიღწევა. ღმერთისადმი გულგრილად, დღეში ერთხელ ან ორჯერ მიმართული ლოცვები ძნელად თუ მოახდენს ცვლილებას დედამიწაზე, ხალხებში. რომელიმე გამომცემლობიდან ამოკითხული 5-6 ფრაზა ვერ შეუწყობს ხელს ღვთის სასუფევლის დამკვიდრებას დედამიწაზე და ვერ შეარყევს ჯოჯოხეთის ბჭეებს, ვერ მოიგერიებს ბოროტების შემოტევას ჩვენს კულტურებსა და ცივილიზაციებზე.
ლოცვის ქმედითუნარიანობა განისაზღვრება შედეგებით და არა ლამაზი სიტყვებით. ჩვენ გვჭირდება ღვთიური მზრუნველობის, მისი ძალის და მისი საქმის რეალური გამოვლინება, რომელიც მსოფლიოს უჩვენებს, რომ იგია ჭეშმარიტი ღმერთი, ყოვლისშემძლე უფალი. ჩვენ გვჭირდება ახალი პასუხები, რომლებიც ეკლესიას ახალ სუნთქვას შთაბერავს, ხოლო სუსტ მორწმუნეებს შემატებს ძალასა და სიმამაცეს, რათა ისინი წინ აღუდგნენ სატანას და მის მზაკვრულ გეგმებს.
ელია ჩვენნაირი კაცი იყო და ლოცვით ილოცა, რომ არ ეწვიმა, და სამი წლისა და ექვსი თვის განმავლობაში წვეთი არ დასცემია მიწას. კვლავ ილოცა და მისცა ცამ წვიმა, და მიწამაც აღმოაცენა თვისი ნაყოფი.
ავტორი: უესლი დიუელი