დევიდ მარტინ ლოიდ-ჯოუნსი (1899-1981) იყო უელსელი პროტესტანტი ღვთისმსახური და მედიცინის დოქტორი. 30 წლის განმავლობაში იგი ლონდონში არსებული ეკლესია „უესტმინსტერის სამლოცველოს“ (Westminster Chapel) მქადაგებელი გახლდათ. მას ეკუთვნის უამრავი წიგნი, რომელთაგან ყველაზე ცნობილია: „სულიერი დეპრესია: მისი გამომწვევი მიზეზები და წამალი“, „მთაზე წარმოთქმული ქადაგების შესწავლა“, „ქადაგება და მქადაგებლები“.
რატომ ხდება ამდენი ომი მსოფლიოში? რატომ არის მუდმივი საერთაშორისო დაძაბულობა? რა სჭირს მსოფლიოს? რატომ არის ომები, უბედურებანი, ტანჯვანი და უთანხმოებანი ადამიანთა შორის? ამ კითხვებზე მხოლოდ ერთი პასუხი არსებობს: ცოდვა. სხვა არაფერი. მხოლოდ ცოდვა.
უგუნურებაა წარსულის უგულებელყოფა. იმ ადამიანმა, რომელიც უგულებელყოფს წარსულს და ფიქრობს, რომ ჩვენი პრობლემები სრულიად ახალია, რომ წარსულისგან ვერაფერს ვისწავლით, არა მხოლოდ საერთოდ არაფერი იცის წმინდა წერილის შესახებ, არამედ საერო ისტორიის უდიდეს გაკვეთილთა შესახებაც არაფერი უწყის.
დიდად მადლიერი ვარ ღმერთის იმის გამო, რომ არ მომცა ზოგი რამ, რასაც ვთხოვდი და რომ ცხვირწინ მომიხურა ზოგიერთი კარი.
ერთია – გიყვარდეს ქადაგება, ხოლო მეორეა – გიყვარდეს ისინი, ვისაც უქადაგებ.
ეკლესია მუდამ იზიდავს ქვეყნიერებას, როდესაც ის სრულიად განსხვავდება მისგან. მხოლოდ ამ დროს უსმენს ქვეყნიერება ეკლესიის უწყებას, თუმცა, შეიძლება, თავიდან სძულდეს კიდეც ეს უწყება.