„აღდგომა“ – ახალი ფილმის პრემიერა 27 მარტს „Discovery+“-ზე შედგება

ფილმ „ბიბლიის“ შემქმნელები რომა დაუნი და მარკ ბარნეტი ახალი ფილმის, „აღდგომის“ ჩვენებას „Discovery+“-ზე გეგმავენ.

ამერიკული კინოკომპანია „მეტრო გოლდენ მაიერისა“ (MGM) და „LightWorkers“-ის პროდუქციის დებიუტი 2021 წლის 27 მარტს შედგება.

ფილმში „აღდგომა“ მოქმედება ფილმ „ბიბლიის“ კვალდაკვალ ვითარდება. ის მოგვითხრობს იესოს მიმდევრებზე, რომლებიც წინამძღოლის გარეშე დარჩნენ სასოწარკვეთილები და გაუგებრობაში მყოფნი, თუმცა როდესაც იესო აღდგა მკვდრეთით, მათ გააანალიზეს, რომ იმედი არ მომკვდარა ჯვარზე, ის აგრძელებს მათში ცხოვრებას.

ფილმის რეჟისორები იმედოვნებენ, რომ ეს ფილმიც ისეთივე წარმატებული იქნება, როგორიც „ბიბლია“ იყო. მისმა მინისერიებმა მათ Emmy-ს სამი ნომინაცია და 100 მილიონზე მეტი მაყურებელი შესძინა.

„ფილმმა ‘ბიბლია’ უკვე თქვა თავისი სათქმელი, ახლა ფილმ ‘აღდგომის’ ჯერია.“ – აცხადებენ რეჟისორები.