ყოველი დღე საჩუქარია ღვთისაგან და მნიშვნელობა არ აქვს, რამდენი წლის ვართ.
ბიბლია ამბობს, რომ დღესაა ხსნის დღე, თუმცა დადგება დღე, როცა მეტისმეტად გვიანი იქნება შენთვის.
საკუთარი თავისთვის დაღვრილი ცრემლები სისუსტის მანიშნებელია, თუმცა სხვისთვის დაღვრილი ცრემლები სიძლიერის ნიშანია.
ქრისტიანობა ყოველდღიური პროცესია, როცა უფრო და უფრო მეტად ემსგავსებით ქრისტეს.
ნამდვილად მნიშვნელოვანი ისაა, თუ როგორ მხედავს ღმერთი. მას არ აღელვებს იარლიყები. მას ადამიანის სულის მდგომარეობა აღელვებს.
იკითხე ბიბლია. იშრომე ბეჯითად და პატიოსნად. და არ იწუწუნო.
მწამს, რომ ლოცვის ყველაზე დიდებული ფორმა ღმერთისთვის ქების შესხმაა.
რაც უფრო მემატება ასაკი, მით უფრო მნიშვნელოვანი ხდება ჩემთვის მარადისობა.
ზეცა გვაძლევს იმედს და დღევანდელი ტვირთის ზიდვას გვიიოლებს.
მხოლოდ ღმერთის ზებუნებრივ სიყვარულს – ადამიანის გარდაქმნილი ცხოვრების მეშვეობით – შეუძლია გადაჭრას სირთულენი, რომელთაც ყოველდღიურად ვაწყდებით.
წარმატება ყოველთვის სახიფათოა და უნდა ფხიზლად ვიყოთ, თავი ავარიდოთ იმას, რომ საკუთარი წარმატების მსხვერპლად არ ვიქცეთ. თავად მოვახდენთ გავლენას ქვეყნიერებაზე ქრისტეს გულისათვის თუ ქვეყნიერება მოახდენს გავლენას ჩვენზე?