შობა – მშვიდობა ღმერთთან, მშვიდობა ადამიანებთან და მშვიდობა თქვენს გულში.
ვის შეუძლია რამე დაამატოს შობას? სრულყოფილი მოტივია ის, რომ ღმერთმა ისე შეიყვარა ქვეყნიერება, რომ… და სრულყოფილი საჩუქარია სწორედ ის, რომ მან თავისი ერთადერთი ძე გაწირა. ჩვენ მხოლოდ ერთი რამ მოგვეთხოვება: ვერწმუნოთ ღმერთს. რწმენის ჯილდო კი საუკუნო სიცოცხლეა.
იესო იყო ღმერთი და კაცი ერთ პიროვნებაში, რათა ღმერთი და კაცი კვლავ ბედნიერნი ყოფილიყვნენ ერთად.
იესოს შობა იყო მშვიდობის დიადი სამეფოს დასაწყისი.
შობის ყველა ჭეშმარიტება მხოლოდ სამი სიტყვით რომ გამოვხატოთ, ასე იქნება: „ღმერთი არს ჩვენთან“.
შობას ყურადღებას ჩვილ იესოზე ვამახვილებთ, არადა უფრო გამაოგნებელია ის, რომ ეს აღთქმული ახალშობილი ცისა და ქვეყნის ყოვლისშემძლე შემოქმედია!
შობის უწყება ისაა, რომ არსებობს იმედი დაცემული კაცობრიობისათვის − იმედი პატიების, იმედი ღმერთთან მშვიდობის, იმედი მისი დიდების…
იესო გამოისახა იმ დედის მუცელში, რომლის შემოქმედიც თავად იყო; იესო ეჭირათ ხელებს, რომლებიც თავად გამოძერწა; იესო უსიტყვოდ ტიროდა ბაგაზე; იესო − სიტყვა; იესო, ვის გარეშეც ადამიანთა მთელი მჭევრმეტყველება უტყვია.
მთავარი სასწაული განკაცებაა, როცა ღმერთი იქმნა კაცი.
ყველაზე დიდი და ყველაზე მნიშვნელოვანი ფაქტი, რომელიც მსოფლიოს ისტორიაში ჩაიწერა, არის ფაქტი ქრისტეს შობის შესახებ.
მე პატივს მივაგებ შობას ჩემს გულში და შევეცდები, რომ მთელი წლის განმავლობაში შევინარჩუნო იგი.
ბეთლემის წყალობით მყავს მხსნელი ზეცაში. შობას იწყება ის, რასაც აღდგომას ვზეიმობთ. ბაგაზე მწოლიარე ჩვილი ჯვარზე გაკრული მეფე გახდა.