ჩატისგარჰის აღმოსავლეთ შტატში უზენაესმა სასამართლომ ადგილობრივ ხელისუფლებას მოსთხოვა, რომ უზრუნველეყოთ 12-მდე ქრისტიანის სახლში მშვიდობიანად დაბრუნება. ქრისტიანებს ინდუიზმის უარყოფის გამო სახლები დაუნგრიეს და მათ სოფლიდან გაქცევა მოუწიათ.
ბილასპურის უზენაესმა სასამართლომ თვის დასაწყისში გამოსცა განკარგულება საზოგადოებრივ ინტერესებზე დავასთან დაკავშირებით, მას შემდეგ, რაც 12-მა ქრისტიანმა სასამართლოში შეიტანა სარჩელი. ისინი უსაფრთხოების პირობას მოითხოვდნენ იმ დევნილი ქრისტიანებისთვის, რომლებსაც სექტემბერში დაესხნენ თავს.
„თავს გაქცევით ვუშველეთ. მუქარამ, რომ დაგვხოცავდნენ, ძალიან შეგვაშინა. სხვა გზა არ გვქონდა. ჩვენი სიცოცხლე ისევ საფრთხეშია. როგორც სოფლის მოსახლეობამ გვითხრა, უკან დაბრუნების შემთხვევაში სიცოცხლეს მოგვისწრაფებენ.“ – ამბობს ერთ-ერთი დევნილი.
უკვე თვე-ნახევარია, რაც ქრისტიანებს, განსაკუთრებით კი მამაკაცებს, საკუთარი სახლების დატოვება და გაქცევა უწევთ.
დაძაბულობა სოფელში მას შემდეგ დაიწყო, რაც ადგილობრივმა ქურუმმა, ლაკუმ პოიამმა, დაიწყო მტკიცება, რომ ეს ტომი ქალღმერთს ეკუთვნოდა.
„ჩვენი ღვთაება, რწმენის თვალსაზრისით, მეზობელ სოფლებთან გაერთიანებისკენ მოგვიწოდებს. ყველა შეხვედრაში ვიღებდი მონაწილეობას, სადაც ქრისტიანების ინდუიზმისკენ მოქცევაზე იყო საუბარი. ჩემი სოფლის მოსახლეობას ვაუწყებდი, თუ რისკენ მოგვიწოდა ღვთაებამ. ამ ყოველივეს შემდეგ როგორღა უნდა იფიქროს ვინმემ რელიგიის შეცვლა?!“ – ამბობს პოიამი.
აღსანიშნავია, რომ Open Doors-ის მონაცემების მიხედვით, მსოფლიოს ქვეყნებს შორის ინდოეთი მე-10 ქვეყანაა, სადაც ქრისტიანობისკენ მოქცევა ძალიან რთულია.