ბოლო წლებში ქრისტიანული ფილმების პოპულარობა განსაკუთრებით გაიზარდა. წელს კინოეკრანებზე გამოვა ხუთი ახალი ქრისტიანული ფილმი, რომელთა მოკლე აღწერასაც ქვემოთ გთავაზობთ.
„Selfie Dad“
ფილმში Selfie Dad მთავარ როლს ასრულებს კომედიური ჟანრის მსახიობი მაიკლ ჯეიარი. ფილმში ასევე მონაწილეობს ქრისტიანული კომედიური ჟანრის მსახიობი ქონდა პირსი, ასევე ჯეიმს დენტონი, ჯეიმი გრეისი და კარენ აბერკრომბი („ომის ოთახი“).
ფილმი მოგვითხრობს შუახნის ასაკის კრიზისში მყოფი ბენ მარკუსის შესახებ, რომელიც ფიქრობს, რომ ბედნიერი მხოლოდ იმ შემთხვევაში იქნება, პროფესიონალი კომიკოსი თუ გახდება. მაგრამ ოცნების ასრულების შემდეგ ის ხვდება, რომ წარმატებამ კმაყოფილება არ მოუტანა. თავისი ახალგაზრდა მეგობრის მეშვეობით ბენი იგებს, რა არის ბედნიერი ოჯახის საიდუმლო.
ფილმი კინოთეატრების ნაცვლად ხელმისაწვდომი იქნება VoD-ზე (Video on Demand ‒ ვიდეო მედიადისტრიბუციის სისტემა) 19 ივნისიდან.
„A Week Away“
„ნეტფლიქსის“ მიერ ქრისტიანულ თემატიკაზე გადაღებული პირველი მიუზიკლის „A Week Away“ იდეა ეკუთვნის ქრისტიან შემსრულებელსა და მსახიობს ალან პაუელს, რომელიც ასევე გახლავთ სცენარის ავტორი კალი ბეილისთან ერთად.
ფილმი მოგვითხრობს მოზარდის, უილ ჰოკინსის (კევინ ქვინი) შესახებ, რომელსაც კანონთან პრობლემები აქვს და დგას არჩევანის წინაშე: წავიდეს არასრულწლოვან სამართალდამრღვევთათვის განკუთვნილ დაკავების ცენტრში თუ ქრისტიანულ საზაფხულო ბანაკში.
ფილმში „A Week Away“ მოისმენთ ცნობილ თანამედროვე ქრისტიანულ მუსიკას. ადამ უოტს პაუელმა და კორი კლარკმა სამი ორიგინალური სიმღერა შექმნეს ამ ფილმისათვის.
ფილმის ჩვენება „ნეტფლიქსზე“ დაგეგმილია 2020 წელს.
„24 Counter“
„24 Counter: The Story BEHIND The Run“ გახლავთ შთამაგონებელი დოკუმენტური ფილმი ყოფილი ფეხბურთელის, ტი სი სტოლინგსის („ომის ოთახი“) შესახებ, რომელიც შემდეგ ქრისტიანი მსახიობი გახდა.
ფილმი მოგვითხრობს სტოლინგსის ისტორიას, თუ როგორ იზრდებოდა ის საშიშ და ღარიბულ უბანში და რა გავლენა მოახდინა მის ცხოვრებაზე ამ ყველაფერმა.
ფილმის ნახვა შესაძლებელი იქნება VoD-ზე (Video on Demand ‒ ვიდეო მედიადისტრიბუციის სისტემა) 30 ივნისიდან.
„24 Counter“ წარდგენილია „ყველაზე შთამაგონებელი დოკუმენტური ფილმის“ ნომინაციაში საერთაშორისო ქრისტიანული ფილმების ფესტივალზე.
„Home Sweet Home“
ქრისტიანული რომანტიკული კომედიის „Home Sweet Home“ ნახვა უკვე შესაძლებელია PureFlix-ზე.
ფილმში მონაწილეობენ მსახიობი და მომღერალი ნატაშა ბიუერი და მსახიობი ბენ ელიოტი.
ფილმი მოგვითხრობს ყავის მაღაზიის მფლობელ ვიქტორიას შესახებ, რომელსაც მობეზრებული აქვს თავისი ცხოვრების წესი და სურს, შეივსოს სიცარიელე, თუმცა არ იცის, როგორ. შემდეგ ის ხვდება სიმპათიურ ჯეისონს და იხიბლება მისით. ჯეისონი ქრისტიანია და ფლობს სამშენებლო ბიზნესს, რომელიც ხელმისაწვდომ ფასად ყიდის საცხოვრებელ ბინებს. ვიქტორიას სურს, თავი მოაწონოს მას, მაგრამ არაფერი გამოსდის. სწორედ მაშინ იწყება დიდი გამოწვევა.
„Don’t Say My Name“
ფილმი „Don’t Say My Name“ ეფუძნება ნამდვილ ამბავს იმის შესახებ, თუ როგორ გადაურჩა გამტაცებლებს ადამიანთა ტრეფიკინგის მსხვერპლი.
ფილმის ვებგვერდზე ვკითხულობთ, რომ ყოველ 60 წამში ერთხელ ორ ბავშვს იტაცებენ სექსტრეფიკინგისათვის, ხოლო ყოველ ხუთ წუთში ერთხელ ათ ადამიანს იტაცებენ და იმონებენ. UNICEF-ის ცნობებით, ყოველწლიურად მილიონზე მეტი ბავშვი ხდება ტრეფიკინგის მსხვერპლი.
ფილმის ვებგვერდზე ასევე ვკითხულობთ: „მიჩნეულია, რომ მსხვერპლთა 90% ვერასოდეს აღწევს თავს გამტაცებლებს, მათი 10% კი, ვინც შინ დაბრუნებას ახერხებს, მიდრეკილია დეპრესიისა და თვითმკვლელობისკენ.“
ფილმი გამოვა 2020 წლის შემოდგომაზე.