ქრისტიანმა მუსიკოსმა კრის ტომლინმა ახლახან გამოუშვა ახალი საშობაო სიმღერა. მისი შექმნა კრისის პირადმა შთაგონებამ განაპირობა. ახალ ალბომზე მუშაობისას მან მოულოდნელად გაიგო, რომ მისი მეუღლე მესამე ბავშვზე იყო ორსულად.
ტომლინს და ლორენს უკვე ჰყავთ ორი ქალიშვილი: 9 წლის ეშლინი და 6 წლის მედისონი. ისინი გეგმავენ, რომ თავიანთ მესამე ქალიშვილს ელი დაარქვან, რაც ებრაულად ღმერთის დაპირებას ნიშნავს. იგი შობამდე 11 დღით ადრე მოევლინება ქვეყანას.
People Magazine-თან ინტერვიუში ტომლინმა განაცხადა, რომ ტექსტის თითოეულ სტრიქონში ორმაგი მნიშვნელობა ჩადო, რაც გულისხმობს სიხარულს თავისი მომავალი შვილისა და იესო ქრისტეს შობის გამო ამქვეყნად.
„შობა უკავშირდება ღვთის საჩუქრის მოვლინების აღნიშვნას, საჩუქრის, რომელიც სასწაული იყო იოსებისა და მარიამისთვის. დიახ, ეს არის სიყვარულის ნამდვილი სასწაული. ჩემთვის ასევე საჩუქარია, რომ შემიძლია დავწერო სიმღერა ჩვენი მესამე ქალიშვილის მოვლინების გამო.“ – განაცხადა ტომლინმა.
ეს სიმღერა ერთ-ერთია კრისის ახალი საშობაო ალბომიდან, სახელწოდებით „სიყვარულის სასწაული“, რომელზეც ტომლინი უკვე მუშაობდა, როდესაც ახალი ამბავი გაიგო.
ტომლინის საშობაო ალბომი უკვე გამოსულია და მოიცავს ექვს სიმღერას, „შობის“ (Noel) ჩათვლით, რომელიც გახლავთ დუეტი ცნობილ ქრისტიან მუსიკოს ლორენ დეიგლთან ერთად.
აღნიშნულ ალბომზე მუშაობისას მომღერალი თანამშრომლობდა აგრეთვე სხვა ამერიკელ ვარსკვლავებთან, როგორებიც არიან: თომას რეტი, ფლორიდან ჯორჯია ლაინი და ლეიდი ეი.