ახალი დოკუმენტური ფილმი, სახელწოდებით „ღრუბლები“, აშშ-ში 16 ოქტომბერს გამოვიდა. იგი მუსიკოს ზაკ სობიეკის ისტორიაზეა დაფუძნებული. ზაკი კათოლიკურ ოჯახში გაიზარდა და რწმენის მეშვეობით, სასწაულებრივად განიკურნა ბოლო სტადიის ოსტეოსარკომის, უიშვიათესი ძვლის კიბოსაგან.
ფილმის რეჟისორი ჯასტინ ბალდონი გახლავთ. იგი ფილმს 7 წლის განმავლობაში იღებდა.
დრამატული დოკუმენტური ფილმი იმაზეა, თუ როგორ მიაღწია სობიეკმა ჩვეულებრივი თინეიჯერობიდან ვარსკვლავობამდე. მისმა სიმღერამ „Clouds“ დიდი წარმატება მოიპოვა და iTunes-ზე ჩარტებში 7 წლის წინ პირველი ადგილიც დაიკავა. ამგვარადვე ვითარდება სიტუაცია ფილმშიც. ამავე პერიოდში სობიეკი ოსტეოსარკომის ბოლო სტადიას ებრძოდა. ამ განსაცდელის გამო მისმა ოჯახმა იმ ზღვარს მიაღწია, რომ მათ ზაკი საფრანგეთის ქალაქ ლურდიში, ღვთისმშობლის ტაძარში წაიყვანეს, მისი განკურნების იმედით. სწორედ იქ მოხდა სასწაული. სობიეკმა საფრანგეთში ყოფნისას გააცნობიერა, თუ რის გაკეთება სურდა ცხოვრებაში. სწორედ მაშინ მიხვდა, რომ უნდოდა მუსიკის დაწერა და ამით თავისი ოცნების ასრულება.
„ფილმი რამდენიმე მიზეზის გამო გადავიღე. იგი ზაკის და მისი ოჯახის შესახებ გვიამბობს. ასევე მინდოდა, შთამეგონებინა და დამეფიქრებინა ადამიანები, თუ რა არის მნიშვნელოვანი ცხოვრებაში; რათა განაგრძონ ოცნება, იცხოვრონ დღევანდელი დღით და გააცნობიერონ, რომ მხოლოდ ერთი ძვირფასი სიცოცხლე აქვთ მიცემული.“ – განაცხადა რეჟისორმა ჯასტინ ბალდონმა.