ნათლობა მიძღვნილი გულის მიერ გადადგმული პირველი ნაბიჯია.
ნათლობა არის მორწმუნის წმინდა ფიცი იმის შესახებ, რომ ივლის ქრისტეს კვალდაკვალ.
ისევე, როგორც ქორწილით აღინიშნება ორი გულის შეერთება, ასევე ნათლობა არის დღესასწაული მხსნელთან ცოდვილის შეერთებისა.
ნათლობა შინაგანი რწმენის გარეგანი გამოხატულებაა.
ნათლობა გარეგნული სიმბოლოა იმ შინაგანი აღთქმისა, რომელიც იესო ქრისტეს დავუდეთ მის მიერ ხსნის შემოთავაზების პასუხად.
ჩვენ შეიძლება არასოდეს გავხდეთ წამებულნი, მაგრამ შეგვიძლია, მოვუკვდეთ საკუთარ თავს და ქვეყნიერებას. ეს არის ნათლობის დიდმნიშვნელოვნება. ჩვენ დავიხოცეთ ქრისტესთან ერთად და აღვდექით ახალი სიცოცხლისათვის.
ნათლობა მათთვის არის, ვინც გონებით გაიგეს, პირადად ირწმუნეს და ინდივიდუალურად მიენდვნენ იესო ქრისტეს მიერ აღსრულებულ საქმეს.
ქრისტიანობა გულისხმობს იესო ქრისტესთან გაერთიანებას; ეს ერთობა კი ჩვენი ნათლობით იწყება.
წყლით ნათლობა ცოდვების მიტევების ნიშანი და ბეჭედია.
გამოაცხადე იესო შენს მეფედ და ნათლობის მეშვეობით დაუფიცე ერთგულება.
ნათლობა აუცილებელია, თუკი გვინდა, მორჩილება გამოვხატოთ ქრისტეს მიმართ, რადგან მან ბრძანა, რომ ყველა უნდა მოინათლოს, ვისაც მისი სწამს.
ქრისტიანული ცხოვრება ნიშნავს ქრისტესთან ერთად სიკვდილს და აღდგომას. ეს არის ნათლობის მნიშვნელობის ნაწილი, ქრისტიანული გზის დასაწყისი.
ადამიანი, რომელიც ქრისტეს ნათლობის ძალაში ცხოვრობს, ქრისტეს სიკვდილის ძალაშიც ცხოვრობს, ასევე.