ხანდახან, ჩვენ უბრალოდ არ ვიცით, როგორ გამოვხატოთ შვილისადმი სიყვარული, არ ვიცით, რა ვუთხრათ, გარდა სიტყვებისა: „ყოჩაღ“ და „მაგარია“, არადა ამაზე საუბარი ძალიან მნიშვნელოვანია, მართლაც. მშობლების სიტყვები, საიმედო შუქურის მსგავსად, მთელი ცხოვრების განმავლობაში გაჰყვება შვილს და დაიცავს მას და განამტკიცებს.
ვაქვეყნებთ ყველაზე მნიშვნელოვან ფრაზებს, ბავშვთა ფსიქოლოგების მოსაზრებით, რომლებიც დაგეხმარებათ შვილისადმი უსაზღვრო სიყვარულის გამოხატვაში.
სიყვარული და სიამაყე
მე შენ მიყვარხარ.
ვამაყობ შენით.
ძალიან მიხარია, რომ შენ მყავხარ.
ძალიან მომწონს ის, რომ ვარ შენი მშობელი.
შენ ძალიან მნიშვნელოვანი ხარ ჩემთვის.
მჯერა შენი.
შენ გარეშე ჩვენი ოჯახი სულ სხვანაირი იქნებოდა.
შენ ჩემი ყველაზე დიდი განძი ხარ.
შენ მანიჭებ ბედნიერებას.
შენ რომ ბედნიერს გხედავ, მეც ბედნიერი ვარ.
შენზე ზრუნვა ჩემი საყვარელი საქმიანობაა.
ბედნიერებაა, როცა ვხედავ, როგორ იზრდები.
არასოდეს შევწყვეტ შენდამი სიყვარულს.
ძალიან მჭირდები.
შენ ჩემი გული სიყვარულით აავსე.
მიღება
მე შენ ისეთს გიღებ, როგორიც ხარ.
შენ არ გჭირდება, იყო იდეალური. ამის გარეშეც კარგი ხარ.
მე მესმის შენი.
მე გპატიობ.
მომწონს, როცა სამყაროს შენი თვალებით ვუყურებ.
გმადლობ, რომ სწორედ ასეთი ხარ.
მხარდაჭერა
შენ ამის ღირსი ხარ.
ნუ შეგეშინდება, იყო ის, ვინც ხარ.
ყველა უშვებს შეცდომას.
მეც მეშლება.
შეგიძლია, ხვალ ისევ სცადო.
არავინ არის სრულყოფილი.
შეუძლებელია, რომ ყველას მოსწონდე და ეს სრულიად ნორმალურია.
ბავშვის აზრის მნიშვნელობა
გისმენ.
ჩემთვის შენი აზრი მნიშვნელოვანია.
შეგიძლია, უარი თქვა.
შეგიძლია, თქვა „დიახ“.
მაშინ სრულიად მართალი იყავი.
მოდი, ისე გავაკეთოთ, როგორც შენ გინდა.
გეთანხმები.
ნდობა
მჯერა შენი.
პატივს ვცემ შენს არჩევანს და მხარს გიჭერ.
გენდობი.
ძალისხმევის შეფასება
ვიცი, რომ მთელი ძალით ცდილობდი.
რა კარგად მეხმარები!
ძალიან ვაფასებ შენს დახმარებას.
ღირსებათა აღიარება
რა დაკვირვებული და შემოქმედებითი ხარ.
ყოველთვის კარგი იდეები გაქვს.
ცოდნის მოყვარეობა ყოველთვის კარგია.
რა საინტერესოდ იცი თხრობა.
შენი სიმღერა/ნახატი/მოთხრობა შესანიშნავია!
მე აღფრთოვანებული ვარ შენით!
შესანიშნავი კითხვაა.
კარგი ბიჭი/გოგო ხარ.
მშვენივრად გამოიყურები დღეს.
ამაში ჩემზე უკეთ ერკვევი.
კარგადაა ნათქვამი!
შენ გარეგნულადაც ლამაზი ხარ და შინაგანადაც.
ძალიან გაბედული საქციელი იყო.
ერთად კარგად ხართ
შენთან ერთად ყოველთვის მხიარულად ვატარებ დროს.
რა კარგია, რომ მთელი დღე წინ გვაქვს.
მომიყევი, ძალიან მინდა ყველაფრის მოსმენა.