გავრცელებული ინფორმაციის თანახმად, ავღანეთში თალიბები მობილურ ტელეფონებს ითხოვენ და ამოწმებენ; თუ ვინმეს ბიბლია აღმოაჩნდება ჩამოტვირთული, კლავენ.
დოქტორი რექს როჯერსი, ახლო აღმოსავლეთის მედიამსახურების SAT-7-ის პრეზიდენტი ამბობს: „ახლა უფრო საშიშია ქრისტიანული მასალების შენახვა მობილურ ტელეფონებში, რადგან თალიბებს ყველგან ჰყავთ ჯაშუშები და ინფორმატორები“.
ამერიკელი ხუცესი, რომელიც ავღანელ დევნილებთან შრომობს, ამბობს: „თალიბები ქრისტიან გოგონებს დევნიან. ცოტა ხნის წინ, ისინი ერთ-ერთი ხუცესის სახლში შეიჭრნენ და წაიღეს ბიბლიები და სხვა ლიტერატურა.“
ასევე, გავრცელებული ცნობების თანახმად, საშინაო ეკლესიის წინამძღვრებმა წერილები მიიღეს თალიბებისგან შეტყობინებით: „ვიცით, სადაც ხართ და რასაც აკეთებთ.“
ინგლისის პარლამენტის წევრის, იან პეისლის ცნობით, 228 ქრისტიანი მისიონერი იმყოფება ავღანეთში და პრემიერ-მინისტრ ბორის ჯონსონს მოუწოდებს მათი ევაკუაციისკენ.
სხვა მისიონერები და მისიონერული ჯგუფები თავდაუზოგავად შრომობენ, რომ კოლეგებს ქვეყნიდან გამოსვლაში დაეხმარონ.
ორგანიზაცია Open Doors-ის თანახმად, ავღანეთი მსოფლიოში რიგით მეორე ყველაზე საშიში ქვეყანაა ქრისტიანებისათვის და მანამდეც ასე იყო, ვიდრე თალიბები მოიპოვებდნენ ქვეყანაში კონტროლს.