ვაშინგტონში მდებარე ბიბლიის მუზეუმი 1-ელ ოქტომბერს უმასპინძლებს დოქტორ სტივენ ნოტლის ღონისძიებაზე – „მოციქულთა დაკარგული ქალაქის ადგილმდებარეობა“, რომელიც შეეხება ბიბლიურ ქალაქ ბეთსაიდას. (ასევე ცნობილი, როგორც იულიასი).
ნოტლი ისაუბრებს იმის შესახებ, თუ რატომ მიიჩნევს, დიდად სავარაუდოდ, რომ სწორედ აქ მდებარეობდა ახალაღთქმისეული ქალაქი ბეთსაიდა – ფილიპე, ანდრია და პეტრე მოციქულების მშობლიური ქალაქი.
არქეოლოგები წლების განმავლობაში ეძებდნენ მოციქულთა ეკლესიას და ძველ სათევზაო ადგილებს ბეთსაიდისა, რომელიც მოგვიანებით რომაულ ქალაქ იულიასად იქცა.
პროფესორი ნოტლი 2016 წლიდან ელ-არაჯის ისტორიული გათხრების აკადემიური ხელმძღვანელია. 2001 წლიდან იგი ნიუ-იორკის ნაიაკის კოლეჯის პროფესორია და ხელმძღვანელობს სამაგისტრო და სადოქტორო პროგრამებს ანტიკურ იუდაიზმსა და ქრისტიანობის წარმოშობის ისტორიაში.
ბიბლიის მუზეუმში ღონისძიება ასევე ონლაინრეჟიმშიც წარიმართება. მასში მონაწილეობას მიიღებს იეშივას უნივერსიტეტის ებრაული ისტორიის პროფესორი სტივენ ფაინიც. პრეზენტაციის ბოლოს დაგეგმილია კითხვა-პასუხის სესია.