3 იანვარს, გამთენიისას, კენიის სანაპირო ზოლში, სომალის საზღვართან მდებარე ერთ-ერთ სოფელში ტერორისტული დაჯგუფება „ალ-შაბააბის“ სამხედროებმა, სულ მცირე, 6 ქრისტიანი აწამეს და მოკლეს. გავრცელებული ინფორმაციით, მათგან ხუთს თავი მოჰკვეთეს.
„ეს უდავოდ საშინელი ტერორისტული თავდასხმაა. შვიდი დანგრეული სახლი დავითვალე, შიგნით კი დახოცილი ადამიანები იყვნენ, რომელთა სხეულებიც ისე დაიწვა, რომ მათი ცნობა შეუძლებელი იყო. სულ ოთხი ადამიანი დავთვალე.“ – თქვა ხუცესმა სტივენ სილამ, რომელიც ორშაბათ დილით თავდასხმის ადგილზე იმყოფებოდა.
„ალ-შაბააბის“ სამხედრო დაჯგუფების წევრებმა 2015 წელს განახორციელეს თავდასხმა გარისას უნივერსიტეტზე, სადაც ყველა არამუსლიმანი სტუდენტი მოკლეს. სულ მცირე, 148 ადამიანი შეიწირა ამ თავდასხმამ.
კენია 49-ე ადგილზეა მსოფლიოს ქვეყნებს შორის ქრისტიანთა დევნის მხრივ, მიუხედავად იმისა, რომ ქვეყნის მოსახლეობის უდიდესი ნაწილი ქრისტიანია.