ქრისტიანული როკ-ჯგუფის სოლისტმა კოლტონ დიქსონმა რამდენიმე დღის წინ საზოგადოებას იმ შემთხვევის შესახებ გაუზიარა, რომლის გადასატანად არცერთი მშობელი არ არის მზად.
ჟურნალ „People“-ის ინტერვიუში დიქსონმა აღნიშნა, რომ მის მეუღლეს იდეალური ფეხმძიმობა ჰქონდა. იგი ტყუპ გოგონას ელოდებოდა. 18 აგვისტოს, დაიბადნენ ავა დიორი და ათენ ელიზაბეტი, თუმცა ავას პულსი არ ესინჯებოდა.
„ცხადია, ვერ წარმოვიდგენდით, რომ ჩვენი პატარა ავა სამყაროს პულსის გარეშე მოევლინებოდა. იმ მომენტში ჩვენ გვქონდა არჩევანი: რწმენა ან შიში. ვუყურებდით ჩვენს პატარას და ვლოცულობდით, მაშინ, როდესაც ექიმები და მედდები ცდილობდნენ მისთვის სიცოცხლის დაბრუნებას.“ – განაცხადა მომღერალმა.
ცოლ-ქმარმა უარი თქვა შიშზე და დაუპირისპირდა მას რწმენით და ლოცვით. პატარა ავას გულისცემა დაუბრუნდა. რამდენიმე დღის შემდეგ სრულიად ჯანმრთელი ავა მშობლებმა სახლში წაიყვანეს.
კოლტონ დიქსონის მეუღლემ „ინსტაგრამზე“ დაწერა: „ბრძოლა უფლისაა, ის იბრძვის ჩვენ გამო და მე უზომოდ მადლიერი ვარ მისი!“
„ზოგჯერ ჩვენ გარშემო არსებული მდგომარეობა ბნელი და საზარელია, მაგრამ არ უნდა შეეგუო მას და არ უნდა მისცე საშუალება, რომ შედეგზე იქონიოს გავლენა. ზოგჯერ გვიწევს, რომ ვიბრძოლოთ. სიტყვა იარაღია. უფლისადმი ქების სიტყვები – ჩვენი ბაგიდან გამომავალი – ჩვენი ძლიერი იარაღია. ღმერთმა გამოგვიცხადა გამარჯვება ჩვენ, როგორც მის ძეებსა და ასულებს, მაგრამ აუცილებლად მისი სიტყვის თანახმად, ჩვენ უფალს უნდა ვეთანხმებოდეთ.“ – წერს მომღერალი.