მსოფლიოს ქრისტიანული გაერთიანებები გმობენ რუსეთის შეჭრას უკრაინაში

ოთხი მსოფლიო ქრისტიანული გაერთიანება გმობს უკრაინაში რუსეთის სამხედრო ძალების შეჭრას.

ლუთერანული მსოფლიო ფედერაცია, რეფორმირებულ ეკლესიათა მსოფლიო ერთობა, ევროპულ ეკლესიათა კონფერენცია და მსოფლიოს მეთოდისტური საბჭო – ყველა მოუწოდებს მსოფლიოს, ილოცონ მშვიდობისათვის უკრაინაში და მთელ იმ რეგიონში.

მათ გამოაქვეყნეს მოწვევა ონლაინ ლოცვით მსახურებაზე, რომელიც 2 მარტს 17:00 საათზე ჩატარდება.

მსახურებაზე ონლაინ დაესწრებიან ქრისტიანები მთელი უკრაინიდან და მსოფლიოს სხვადასხვა კუთხიდან. მეთოდისტური ეკლესიის პრეზიდენტმა და ვიცე-პრეზიდენტმა განაცხადეს:

„თავზარდაცემულნი ვართ უკრაინაში რუსეთის სამხედრო ძალების შეჭრით. ჩვენ ვლოცულობთ უკრაინელი და რუსი ხალხისათვის, მათ შორის, იმ რეგიონში არსებული მეთოდისტური ეკლესიების ხელმძღვანელებისათვის. ქრისტიანები მოწოდებულნი არიან იმისკენ, რომ მშვიდობა იქონიონ ყველასთან (ებრაელთა 12:14). ამის შესრულება მოითხოვს გაბედულებას, დაჟინებულობას და გაგებას. გთხოვთ, ილოცოთ ყველა პოლიტიკოსისათვის, რათა დასრულდეს აგრესია, და სამართლიანობა და მშვიდობა დამყარდეს.“