„2019 წელს ონლაინმსახურებების მეშვეობით 1.3 მილიონმა ადამიანმა მიუძღვნა საკუთარი სიცოცხლე უფალს, 2020 წელს კი – 1.7 მილიონმა ადამიანმა. ვცდილობ, თავი ავარიდო ციფრებთან დაკავშირებულ შეკითხვებს, რადგან არა ფრანკლინ გრემი ან რომელიმე დაწესებულება, არამედ ღმერთი იძლევა მრავალრიცხოვნებას.“ – აცხადებს ფრანკლინ გრემი.
„ვფიქრობ, 2020 წელი უჩვეულო იყო. ჩემი ცხოვრების განმავლობაში პანდემიის წინაშე აქამდე არასდროს ვმდგარვარ, აქამდე მსოფლიო ასე არასდროს შეჩერებულა. მხოლოდ ღმერთია, რომელიც ადამიანთა გულებს ეხება და თვალს უხელს მათ. პანდემიამ ვერაფრით შეაჩერა ღვთის ძალა, არამედ პირიქით.“ – ამბობს იგი.
BGEA (ბილი გრემის ევანგელური ასოციაცია) პირველად მუშაობდა სადღეღამისო (24/7) სამახარებლო სატელეფონო ცხელ ხაზზე. მათ ასევე შეისყიდეს რეკლამები ტელევიზიებში. 60-წამიან სარეკლამო რგოლში გრემი იპყრობს მაყურებელთა ყურადღებას, ეკითხება თავიანთი სულიერი მდგომარეობის შესახებ და მოკლედ ლოცულობს. „სახარების ამგვარი გავრცელებისთვის დიდება მხოლოდ ღმერთს ეკუთვნის.“ – აცხადებს გრემი.
„ადამიანთა გულები უფრო მეტად ლმობიერი და უფლის სიტყვის მიმღებია. ისინი, ვინც აქამდე არ ისმენდნენ, ახლა სიამოვნებით უსმენენ ღვთის სიტყვას. ვფიქრობ, ევანგელიზაციისთვის ეს წელი ყველაზე გამორჩეული იყო. მათ აქვთ სახარების მოსმენის სურვილი. საზოგადოება შეშინებული და შეძრწუნებულია. როდესაც მათ იესო ქრისტეს მეშვეობით იმედის შესახებ ესაუბრები, უკვე მარტივად იღებენ ამას. როდესაც ქვეყნიერება თავდაყირა დგება, მაშინ ეხსნებათ ადამიანებს გულები უფლის სიტყვის მოსასმენად.“ – ამბობს გრემი.
შეგახსენებთ, რომ ფრანკლინ გრემი გახლავთ ორგანიზაცია „სამარიტელის ქისისა“ და „ბილი გრემის ევანგელური ასოციაციის“ დამფუძნებელი და პრეზიდენტი.