ჩინეთში პრეზიდენტ სი ძინპინის გაკულტება უკვე საზღვრებს სცდება. ქვეყნის ხელმძღვანელობამ ეკლესიებს ულტიმატუმი წაუყენა: დაკიდეთ პრეზიდენტის პორტრეტი, თორემ თქვენი შესაკრებელი ადგილი დაიხურება.
ორი თვის შემდეგ ქვეყნის სამხრეთ-აღმოსავლეთ პროვინციაში ეკლესია „Three-Self church“-მა უარი თქვა ჩინოვნიკის ბრძანებაზე, დაეკიდათ პრეზიდენტის სურათი ეკლესიაში. ამას მოჰყვა ბრძანება რელიგიური შეხვედრების აკრძალვის შესახებ იმ ეკლესიებში, სადაც პრეზიდენტის პორტრეტი არ იქნება დაკიდებული.
მოგვიანებით მთავრობის წარმომადგენელმა დაამატა, რომ მათ ასევე მოეთხოვებათ, გააკეთონ რელიგიური კალენდარი პრეზიდენტის სურათით ეკლესიის კედელზე. აგრეთვე უნდა დაკიდონ ოთხი ეროვნული დროშა და სოციალისტური ღირებულებების მქონე ლოზუნგები ეკლესიის შენობის შიგნით და გარეთ.
ამ თვის დასაწყისში 100-ზე მეტი სახელმწიფო მოხელე ესწრებოდა საზოგადოებრივი ცენტრის-ცივილიზაციის პუნქტის გახსნას „Three-Self Church“-ის ეკლესიაში. ღონისძიება შეიცავდა 168 პლაკატს მაო ძედუნის, სი ძინპინის და ჩინეთის ამჟამინდელი თუ ყოფილი კომუნისტი ლიდერების გამოსახულებით.
„მიწევს, დავთანხმდე მათ მოთხოვნებს იმის შიშით, რომ არ დავკარგოთ შესაკრებელი.“ – აცხადებს ეკლესია „Three-Self church“-ის მქადაგებელი.
