ჩინეთში დააკავეს ქრისტიანი ქალი, რომელმაც რამდენჯერმე სცადა ქადაგება ჩინეთის პრეზიდენტ სი ძინპინისა და მისი მეუღლისთვის.
ჯო ჯინშია, მქადაგებელი ქალბატონი, 20 თებერვალს მივიდა ჩინეთის კომუნისტური პარტიის სამმართველო ცენტრში, პეკინში, სადაც მიიტანა ბანერები. მათზე არსებული წარწერები პრეზიდენტს მონანიებისკენ და იესო ქრისტეს მხსნელად მიღებისკენ მოუწოდებდა.
გავრცელებული ინფორმაციის თანახმად, ქალბატონი ხშირად მიდიოდა ჟონგნანჰაიში, ტერიტორიაზე, სადაც კომუნისტური პარტიის წარმომადგენლები ცხოვრობენ. მისი მიზანი იყო, მიეწვდინა ხმა პრეზიდენტამდე, მოწოდებით: „მიიღე ღმერთი და საჯაროდ მოინანიე“.
გავრცელებული ინფორმაციით, ჯო ჯინშიას უკანასკნელ აბრაზე ეწერა: „ღმერთს უყვარს ადამიანები და ის თავისთან უხმობს სი ძინპინსაც“.
ის პოლიციამ ჯერ საკუთარ სახლში წაიყვანა ამ ტერიტორიიდან, მეორე დღეს კი დააპატიმრა. თავდაპირველად მას ბრალი წაუყენეს დებოშის ატეხისთვის, თუმცა, როგორც საბოლოოდ გაირკვა, ის ჩინეთის ლიდერებში სახარების გავრცელების მცდელობისთვის დააკავეს.
ცნობილია, რომ ის ამ მიზეზით 2015, 2016 და 2018 წლებშიც იყო დაპატიმრებული, თუმცა არ წყვეტდა მცდელობას, მისწვდენოდა მისი ხმა პრეზიდენტს და მოენანიებინა.