ჩარტებში ზედიზედ 6-ჯერ პირველი ადგილის მქონე ჰიტის შემქმნელი, ოთხგზის „გრემის“ ჯილდოს მფლობელი და მსოფლიო არტისტის სახელით ცნობილი დუეტი – ძმები, იოელ და ლუკ სმალბონები 2021 წლის ტურნეს „RELATE | The 2021 Fall Tour“-ის შესახებ ამცნობენ მსმენელებს. კონცერტები ამერიკის სხვადასხვა ქალაქში გაიმართება.
2020 წელს მათ სასიამოვნო მოგონება და ნოსტალგია დაუტოვეს მსმენელებს, ახლა კი განახლებული პროგრამით კვლავ ბრუნდებიან სცენაზე. კონცერტებზე ისინი უახლესი პროგრამით წარდგებიან და შეასრულებენ სიმღერებს, რომლებიც ტურნეებზე ჯერ არ შეუსრულებიათ.
„ძალიან ამაღელვებელია ის ფაქტი, რომ ჩვენს მსმენელს ისევ უნდა შევხვდეთ. მას შემდეგ, რაც ბოლო ტურნე ჩავატარეთ, ძალიან ბევრს ვშრომობდით და სტუდიაში ვწერდით სიმღერებს, რომლებსაც ‘RELATE | The 2021 Fall Tour’-ზე შემოგთავაზებთ. ყველაფერი განსხვავებული იქნება, ამიტომაც მოუთმენლად ველით ამ დღეებს და ჩვენს მსმენელთან შეხვედრას.“ – განაცხადეს ძმებმა ლუკ და იოელ სმალბონებმა.
ბენდის ყველაზე ცნობილი სიმღერაა „Amen“, რომლის განახლებული ვერსიაც გარკვეული ხნის წინ გამოუშვეს ლეკრაესთან და ტონი უილიამსთან ერთად. ასევე მათი ერთ-ერთი ცნობილი ჰიტია „Burn The Ships“, რომელსაც აღნიშნულ ტურნეზე შეასრულებენ.