დღეს, 28 ოქტომბერს, ყოველწლიური საერთაშორისო სამეცნიერო კონფერენცია „სოლა ფორუმი“ დაიწყო. ეს გახლავთ „სოლა ფორუმის“ რიგით მე-5 კონფერენცია, რომელსაც ამჯერად საქართველოს უნივერსიტეტი მასპინძლობს. წლევანდელი კონფერენციის თემა გახლავთ: „რელიგიის თავისუფლება კავკასიაში – ისტორია, თეოლოგია და პრაქტიკა.“ შეგახსენებთ, რომ სოლა ფორუმი 2017 წელს დაარსდა, მისი სახელწოდების შთაგონების წყარო კი რეფორმაციის 5 “სოლა” გახლავთ. ყოველწლიური კონფერენციაც ძირითადად ოქტომბერში ტარდება, მაშინ, როდესაც მსოფლიო რეფორმაციის დღეს აღნიშნავს. კონფერენცია გაგრძელდება ორი დღის განმავლობაში, 28 და 29 ოქტომბერს. დასწრება თავისუფალია.