საკითხები, რომლებზეც უნდა ვილოცოთ შვილებისთვის

არის ძალა ლოცვაში, ილოცეთ თქვენი შვილებისთვის:

1. ხსნისთვის (გახსოვდეს შენი შემოქმედი შენი სიჭაბუკის დღეებში, ვიდრე დაგიდგება ავი დღეები და გეწევა წლები, რომლებზეც იტყვი: „აღარ მახარებს ისინი!“ – ეკლესიასტე 12:1);
2. ცოდვის განკითხვისთვის (შვილებო! ამას გწერთ იმისთვის, რომ არ შესცოდოთ. ხოლო თუ ვინმე შესცოდავს, გვყავს შუამდგომელი მამის წინაშე – მართალი იესო ქრისტე. – 1-ლი იოანე 2:1);
3. თავმდაბლობისთვის და მორჩილებისთვის (დამდაბლდით უფლის წინაშე და ის აგამაღლებთ თქვენ. – იაკობის 4:10);
4. ღვთის სიტყვის სიყვარულისთვის (სინათლეა ჩემი ფეხისათვის სიტყვა შენი და სინათლე – ჩემი ბილიკისათვის. – ფსალმუნი 4:10);
5. ბოროტისაგან დაცვისთვის (არ გთხოვ, რომ წუთისოფლიდან წაიყვანო ისინი, არამედ, რომ დაიცვა ბოროტისგან. – იოანე 17:15);
6. თავისუფლებისთვის – ადამიანების შეხედულებებისათვის დიდი მნიშვნელობის მინიჭებისგან (ახლა ადამიანების დარწმუნებას ვცდილობ თუ ღმერთისას? თუ ვცდილობ, ადამიანებს ვაამო? ადამიანებს რომ ვაამებდე, ქრისტეს მსახური აღარ ვიქნებოდი. – გალატელთა 4:10);
7. სიბრძნისთვის (შეიძინე სიბრძნე, შეიძინე გონიერება, ნუ დაივიწყებ და ნუ გადაუხვევ ჩემს სიტყვებს. ნუ მიატოვებ და ის დაგიცავს, გიყვარდეს და ის შეგინახავს. სიბრძნის დასაწყისი სიბრძნის მოხვეჭაშია, მთელი შენი ქონებით გონიერება შეიძინე. – იგავები 4:5-7);
8. ღვთის მორჩილებისთვის (ამიტომ დაემორჩილეთ ღმერთს, წინ აღუდექით ეშმაკს და გაიქცევა თქვენგან. – იაკობის 4:7);
9. რწმენისთვის, რომელიც დასტურდება საქმეებისთვის (იყავით სიტყვის შემსრულებელნი და არა მხოლოდ მომსმენნი თავის მოსატყუებლად. – იაკობის 1:22);
10. ღვთისმოსავი მეგობრებისთვის (ადგა იონათანი, საულის ძე, წავიდა დავითთან ტყეში და უფლით გაამხნევა. – 1-ლი მეფეთა 23:15);
11. ურთიერთობისთვის საკუთარ და-ძმასთან მთელი ცხოვრების განმავლობაში (მისი ძენი მონაცვლეობით მართავდნენ ნადიმს თავიანთ სახლებში და სტუმრობდნენ ერთმანეთს. და წარგზავნიდნენ და იწვევდნენ სამ დასაც, რათა მათთან ერთად ესვათ და ეჭამათ. – იობი 1:2-4);
12. მომავალი მეუღლისთვის (ვინც ცოლი პოვა, სიკეთე პოვა და უფლის კეთილგანწყობა მოიხვეჭა. – იგავები 18:22).