ბიბლიური ციტატები, რომლებიც უნდა წაიკითხო, თუ ძალა გჭირდება

9810 ნახვა
1,067 გაზიარება
18 კომენტარი

ხანდახან გრძნობ, რომ შეუვალი, უხილავი კედლის წინ დგახარ და საკუთარი ძალებით ვერაფერს გააწყობ, ამ დროს უსუსურობის განცდა გეუფლება და არცთუ იშვიათად ფარ–ხმალს ყრი. თუ ახლა ძალაგამოლეული სადმე კუთხეში ზიხარ და არ იცი, რა გააკეთო, აიღე ბიბლია და მიიღე ძალა, რადგან არის ძალა უფლის სიტყვაში! არის ძალა უძლურებაში!

გახსოვდეს, რომ ღვთის სიტყვა არის ცოცხალი და მოქმედი, ის არა მხოლოდ გვმოძღვრავს, არამედ ძირეულად ცვლის ჩვენს ცხოვრებას და ავსებს მას ძალით.

აძლევს ძალას დაღლილს და უძლურს სიმტკიცეს უმატებს. ესაია 40:29 – ახალი გადამუშავებული გამოცემა 2015

ყოველივე ძალმიძს ჩემს განმამტკიცებელში, ქრისტეში. ფილიპელთა 4:13 – ახალი გადამუშავებული გამოცემა 2015

და მითხრა: ‘გეყოფა ჩემი მადლი, ვინაიდან უძლურებაში ხდება სრულყოფილი ჩემი ძალა.’ 2 კორინთელთა 12:9 – ახალი გადამუშავებული გამოცემა 2015

უფალი ღმერთია ჩემი ძალა. ირმის ფეხებს შემაბამს და ჩემს გორაკებს მომატარებს. აბაკუმი 3:19 – ახალი გადამუშავებული გამოცემა 2015

ჩემი ძალა და სიმღერაა უფალი, და ის იქნება ჩემი მშველელი. ფსალმუნი 117:14 – ახალი გადამუშავებული გამოცემა 2015