ჩარლზ სპერჯენი (1834-1892) ინგლისელი მქადაგებელი და ღვთისმეტყველი, ინგლისის ყველაზე დიდი ბაპტისტური ეკლესიის ხუცესი.
ის თავის შვილებს მუდამ ბიბლიის სიყვარულს შეაგონებდა. მისი ბიოგრაფები ამტკიცებენ, რომ სპერჯენი „ბავშვივით ხდებოდა“ თავის რწმენაშიც და ქადაგებაშიც, რისი წყალობითაც ბავშვებსაც კი შეეძლოთ ღრმა საღვთისმეტყველო მოძღვრებათა გაგება, რომელთა შესახებაც ის კათედრასთან მდგომი ქადაგებდა.
ნურც ერთი ქრისტიანი მშობელი ნუ მოიტყუებს თავს იმის შესახებ, თითქოს საკვირაო სკოლა იმისათვის არსებობდეს, რომ მოვალეობები გაუადვილოს მათ. ქრისტიან მშობელთათვის უპირველესი და ყველაზე ბუნებრივი მდგომარეობა გახლავთ ის, რომ აღზარდონ შვილები უფლის შესახებ შეგონებით.
თუ თავის ტკივილი არ გვქონია ჩვენი შვილების მხილების გამო, ბევრი გულისტკივილი გვექნება, როცა ისინი გაიზრდებიან.
ანბანთან ერთად ვასწავლოთ ბავშვებს იესოს სახელი. დაე, მათ ბიბლიაში ამოიკითხონ თავიანთი პირველი გაკვეთილები.
ასწავლეთ პატარებს სრული ჭეშმარიტება და არაფერი ჭეშმარიტების გარდა.
უთხარით ბავშვს, რომ ხელახლა უნდა იშვას… უთხარით რბილად, მაგრამ უთხარით ჭეშმარიტება.
ადრიდანვე დაიწყეთ ბავშვების განსწავლა, რადგან ისინი ადრიდანვე იწყებენ ცოდვათა ჩადენას.
რაოდენ დიდი კურთხევაა, როცა ჩვენი შვილები ქრისტეს არმიაში ირიცხებიან!
ბავშვს, რომელიც შეგნებულად სცოდავს, შეუძლია, შეგნებულად ირწმუნოს სულის სახსნელად.
დაუდე შენს შვილს წინ სიკვდილი და სიცოცხლე, ჯოჯოხეთი და სამოთხე, განკითხვა და წყალობა, თავისივე საკუთარი ცოდვა და ქრისტეს ძვირფასი სისხლი.