აშშ-ის პრეზიდენტმა ჯო ბაიდენმა ხუთშაბათს გამართულ ლოცვის შეხვედრაზე აღიარა განხეთქილება კონგრესის წევრებს შორის და თითოეულ მათგანს მოუწოდა, რომ აღასრულონ იესო ქრისტეს სიტყვები, რომელიც ამბობს: „უმჯობესია ემსახურო, ვიდრე გემსახურონ“. ასევე, მან მოუწოდა დემოკრატებსა და რესპუბლიკელებს, რომ გააბან პირადი ნაცნობობა და აღიქვან ერთმანეთი, არა როგორც მტრები, არამედ როგორც მოყვარენი.
„რწმენას დაყოფაზე მეტად, ჩვენი გაერთიანება ძალუძს. ვლოცულობ, რომ იესოს დანაბარების შესრულება შევძლოთ, რომ ჩვენ კი არ გვემსახურებოდნენ, არამედ ჩვენ ვემსახურებოდეთ. ეს ყოველთვის არ გამომდის, თუმცა ვცდილობ.“ – თქვა მან.
ბაიდენის თქმით, გაერთიანებული თეთრი სახლი ყველაფერს შეძლებს. მისი განმარტებით, ერთიანობა არ ნიშნავს ყველა საკითხზე ერთნაირი აზრის ქონას, მაგრამ ერთობისთვის საკმარისია ერთი აზრის ქონა ერის კეთილდღეობაზე.
სიტყვით გამოსვლა ბაიდენმა თავისი ბავშვობის ისტორიის გახსენებით და მოწოდებით დაასრულა:
„ყოველთვის, როდესაც ჩემი ბებია-ბაბუის სახლიდან მოვდიოდი ხოლმე, სკრანტონიდან, ბაბუა მომაძახებდა: ‘ჯო, შეინახე შენი რწმენა’, ამას პასუხად კი ბებია მოაყოლებდა: ‘არა, ჯო, გაავრცელე შენი რწმენა.’ მოდით, ყველამ გავავრცელოთ ჩვენი რწმენა.“