კვლევა: ამერიკელთა დიდი ნაწილი ფიქრობს, რომ ტრამპმა ხელი შეუწყო ქრისტიანთა ინტერესებს

Pew Research survey-ს მიერ ცოტა ხნის წინ ჩატარებული კვლევის შედეგებმა გამოავლინა, რომ ამერიკელ ზრდასრულთა 43% ფიქრობს, რომ პრეზიდენტ ტრამპის ადმინისტრაციამ „ხელი შეუწყო ევანგელისტ ქრისტიანთა ინტერესებს“.

ამერიკელ ზრდასრულთა 11% მიიჩნევს, რომ პრეზიდენტის ადმინისტრაციამ ზიანი მიაყენა ევანგელისტ ქრისტიანთა გეგმებს, ხოლო 44%-ს კი არ სჯერა, რომ ადმინისტრაციამ საერთოდ რაიმე ხელშესახები გავლენა მოახდინა ევანგელისტთა ინტერესებზე.

თეთრკანიან ევანგელისტ პროტესტანტებს შორის 59%-ს მიაჩნია, რომ პრეზიდენტმა და მისმა ადმინისტრაციამ დადებითი გავლენა იქონიეს ევანგელისტთა ინტერესებზე, 7% ფიქრობს, რომ მათი ინტერესები დაზარალდა, ხოლო 32%-ს სჯერა, რომ დიდად არაფერი შეცვლილა. 

კვლევამ ცხადყო, რომ თეთრკანიან ევანგელისტთა 64% ტრამპს თითქმის ყველაფერში ეთანხმება, ხოლო შავკანიან ევანგელისტთა 15%, ესპანური წარმომავლობის კათოლიკეთა 30%, იუდეველთა 32% და 28% იმ ადამიანებისა, რომლებიც თავს არცერთ რელიგიას არ მიაკუთვნებენ, ასევე თითქმის ყველა საკითხში ეთანხმებიან პრეზიდენტ ტრამპს.

Pew Research survey-მ თებერვლის დასაწყისში ჩაატარა ხსენებული კვლევა და გამოჰკითხა სულ 6,395 ადამიანი.