მემარცხენე აქტივისტები ფრანკლინ გრემის გადაყენებას ითხოვენ

ხმაური მოჰყვა 2020 წლის რესპუბლიკურ ეროვნულ კონგრესზე ფრანკლინ გრემის მიერ აღვლენილ ლოცვას, რის გამოც მემარცხენე აქტივისტები მის გადაყენებას მოითხოვენ ორგანიზაცია „სამარიტელის ქისის“ დირექტორის პოზიციიდან. გასულ პარასკევს მათ გამოსცეს ასეთი შინაარსის პეტიცია: „‘სამარიტელის ქისამ’ უნდა იცოდეს, რომ გრემის ამგვარი, ტრამპის მომხრე, პოლიტიკა ეჭვქვეშ აყენებს მათ სანდოობას და ახსენებს თავის დანიშნულებას, რაც  ხალხისთვის უფლის სიყვარულის გაზიარებას მოიცავს.

პეტიციაში წერენ: „2020 წლის კონგრესის საღამო დაიწყო ჰომოფობი მქადაგებლის − ფრანკლინ გრემის − გამოჩენით, რომელიც ლოცულობდა: ‘მადლობას გიხდი, ღმერთო, ჩვენი პრეზიდენტის, დონალდ ტრამპისთვის, და ყველა იმ კურთხევისათვის, რომლებიც გასული 4 წლის განმავლობაში მივიღეთ.’ აქედან გამომდინარე, უნდა მივიჩნიოთ, რომ მიმდინარე ფაქტები: ოჯახების დაშორება, კოვიდ 19-ის შედეგები, კორუფცია და ავტორიტარიზმი, ან თუნდაც მიმდინარე რასობრივი დისკრიმინაცია, კურთხევაა…“

საბოლოოდ, პეტიციაში ნათქვამია, რომ თუ ვინმეს სურს, მხარი დაუჭიროს გრემის გადაყენების მოთხოვნას, მათ უნდა დააფიქსირონ თავიანთი აზრი. ამ დროისათვის პეტიციას 13 000 ადამიანი აწერს ხელს.

ორგანიზაცია „სამარიტელის ქისა“ პეტიციას ასე გამოეხმაურა: „გრემი არავის მოუწოდებს კონკრეტული პიროვნებისკენ, რომ მას მისცენ ხმა. ის ურჩევს ხალხს, რომ ილოცონ და მათთვის სასურველ კანდიდატს დაუჭირონ მხარი. დემოკრატიულ ეროვნულ კონგრესზეც რომ ეთხოვათ ლოცვა მისთვის, ის კვლავ ასე მოიქცეოდა. ყველაზე მნიშვნელოვანი, რაც შეგვიძლია გავაკეთოთ საკუთარი ქვეყნისთვის, არის ლოცვა ჩვენი ხელისუფლებისა და ლიდერებისთვის, მათი პოლიტიკური შეხედულებისა თუ ხასიათის მიუხედავად. ორგანიზაცია ‘სამარიტელის ქისა’ აცნობიერებს თავის დანიშნულებას, რომ ხალხს გაუზიაროს ღმერთის სიყვარული და დაეხმაროს გაჭირვებაში მყოფთ.“