რადიკალმა მუსლიმანებმა აღმოსავლეთ უგანდაში ერთი მონათესავე ოჯახის ყველა წევრს მჟავა შეასხეს ქრისტიანული რწმენის მიღების გამო და უთხრეს: „სიკვდილს იმსახურებთ.“ ისინი გადარჩნენ, მაგრამ ჯერ ისევ საავადმყოფოში რჩებიან და მკურნალობენ.
დაზარალებულები არიან დედ-მამა და მათი 13 წლის ქალიშვილი. ისინი ნათესავებმა დასაჯეს ქრისტეს რწმენის მიღების გამო. შემთხვევა ნამუტუმბას რეგიონში, სოფელ ინტონკოში მოხდა.
ოჯახის უფროსი, ჯუმა ვაისვა, იხსენებს, რომ ნათესავებმა საგვარეულო შეკრიბეს და ქრისტიანობაზე ახლად მოქცეულ ოჯახს გამოჰკითხეს ქრისტიანობის მიღებასთან დაკავშირებით. მათ ოჯახის სამივე წევრს ქრისტეს რწმენაზე უარის თქმა მოსთხოვეს, თუმცა უარი მიიღეს. ვაისვას მამამ ყურანიდან რამდენიმე მუხლი წაიკითხა, შემდეგ კი ნათესავებმა ჯოხებით ცემა დაუწყეს მათ. ცოტა ხანში ვაისვას მამამ მჟავით სავსე ბოთლი გამოიტანა მეორე ოთახიდან. სამივეს ასხამდა და იმეორებდა: „ალაჰ აკბარ, თქვენ სიკვდილს იმსახურებთ!“ ისინი ხუცესმა წაიყვანა საავადმყოფოში. ცოტა ხანში კი მათ სახლიც დაუწვეს.
მჟავას, ძირითადად, შურისძიების მიზნით იყენებენ, უმეტესწილად მამაკაცები, განსაკუთრებით პაკისტანში, ინდოეთში, გაერთიანებულ სამეფოსა და უგანდაში. უგანდაში არსებული კანონმდებლობის მიხედვით, მჟავის გამოყენება თავდასხმისას ისჯება შვიდ წლამდე თავისუფლების აღკვეთით, თუმცა ბოროტმოქმედები იშვიათად ისჯებიან.