უგანდაში, მუსლიმანი იმამის ქრისტიანობაზე გადასვლის გამო, მეჩეთის მთავრებმა წააქეზეს მუსლიმანთა გარკვეული ჯგუფის წევრები, რომ თავს დასხმოდნენ ქრისტიან ხუცესსა და მის ცოლს და დაეზიანებინათ მათი ეკლესია. ხუცეს მოსე ნაბვანასა და თავის მეუღლეს რამდენიმე დღის განმავლობაში საავადმყოფოში მოუწიათ დარჩენა 8 მუსლიმანის თავდასხმის შემდეგ, ნანკოდოს ქვეოლქში, როდესაც ისინი გვიან ღამით სახლში ბრუნდებოდნენ.
„იმამმა ქრისტიანობა 5 დეკემბერს მიიღო, ხოლო 27 დეკემბერს ესწრებოდა ღვთისმსახურებას ნანკოდოს ქვეოლქში. ახლად გაქრისტიანებულ ყოფილ იმამს საშუალება მიეცა, ხალხისთვის გაეზიარებინა ის, თუ რა გზა გაიარა, ვიდრე ამ გადაწყვეტილებას მიიღებდა.
მსმენელები გახარებულები იყვნენ და დიდი შეძახილებით ადიდებდნენ ღმერთს. ეს ყველაფერი ახლომყოფმა მუსლიმანმა გაიგონა და მეჩეთში განაცხადა მუსლიმანი იმამის განდგომილების შესახებ.
თავდამსხმელებმა ჯერ ჩემს მეუღლეს დაუწყეს ცემა ჯოხებითა და ბლაგვი საგნებით. მე ვიყვირე, ამ დროს ერთ-ერთმა თავდამსხმელმა ცემა დამიწყო და ხელი მომტეხა.“ – აცხადებს ხუცესის მეუღლე ლოვისა ნაურა.
იმავე საღამოს მუსლიმანები შეიჭრნენ ეკლესიის შენობაშიც, რომელიც 500 კაცს იტევს და დააზიანეს სახურავი, ფანჯრები, კარი და ეკლესიის სხვა ნაწილები.