31 ოქტომბერს ჩრდილოეთ უგანდაში მუსლიმანმა ექსტრემისტებმა მოკლეს ხუცესი მას შემდეგ, რაც ამ უკანასკნელმა რდაიოგადაცემაში საუბრისას ერთმანეთს შეადარა ქრისტიანობა და ისლამი. დევიდ ომარა, ეკლესია Christian Church Center-ის 64 წლის ხუცესი და ცნობილი ადგილობრივი რადიომქადაგებელი სცემეს და გაგუდეს რადიოგადაცემის დასრულების შემდეგ. ამის შესახებ ინფორმაციას ავრცელებს მისი ვაჟი, საიმონ ოკუტი.
„მისი ქადაგების დასრულებისთანავე, ვიღაცამ დაურეკა მამაჩემს და მადლიერება გამოხატა მისი ქადაგების გამო. შემდეგ კი შეხვედრა სთხოვა. ჩვენ გავედით რადიოსადგურიდან. მივედით მითითებულ ადგილზე, სადაც მუსლიმანურ სამოსში ჩაცმული ექვსი ადამიანი დაგხვდა. მათ ბლაგვი საგნებით დაუწყეს მამაჩემს ცემა. შემდეგ ერთ-ერთმა თქვა, რომ მამაჩემი უნდა მომკვდარიყო იმის გამო, რომ ალაჰს არ აღიარებდა ღმერთად .“ – თქვა ოკუტმა Morning Star News-სთან სატელეფონო საუბრისას.
უგანდა აღმოსავლეთ აფრიკაში მდებარე ქვეყანაა, სადაც მოსახლეობის თითქმის 40% პროცენტი კათოლიკე ქრისტიანია, ანგლიკანები შეადგენენ 32%-ს, სხვა პროტესტანტული დენომინაციები 13%-ს, ხოლო მუსლიმანები 12%-ს. მიუხედავად ამისა, ქრისტიანებს აქტიურად დევნიან ისლამისტები. უგანდის კონსტიტუციის მიხედვით, დაშვებულია რელიგიის თავისუფლება, მათ შორის საკუთარი რწმენის პროპაგანდა და ერთი რწმენიდან მეორეზე მოქცევა.