ქრისტიანების დევნა ჩინეთში კორონავირუსის დროს ისევ გრძელდება

ჩინეთის ხელისუფლების წარმომადგენლებმა დააკავეს ქრისტიანები, რომლებიც სააღდგომო ღვთისმსახურებას ონლაინრეჟიმში, ZOOM-ის საშუალებით ატარებდნენ.

ეკლესია სახელწოდებით „Early Rain Covenant Church“ არ არის ოფიციალურად დარეგისტრირებული, თუმცა მათ მაინც გადაწყვიტეს, ეს დღესასწაული სოცილურ ქსელ ZOOM-ში შეკრებით აღენიშნათ, თუმცა მათი ერთობა დიდხანს არ გაგრძელებულა, რადგან სულ მალე ხელისუფლების წარმომადგენლებმა ელექტროენერგია გამოურთეს ზოგიერთ ღვთისმსახურს, დაბლოკეს ეს შეხვედრა და რამდენიმე წევრი დააკავეს, შეხვედრას უძღვებოდა ეკლესიის ხუცესი ვანგ უი, რომელსაც გასულ წელს 9 წლით თავისუფლების აღკვეთით დაემუქრნენ, იმის გამო, რომ ეკლესია დარეგისტრირებული არაა და ის არალეგალურად ქადაგებს სახარებას.

ეკლესიის ერთ-ერთი წევრი იხსენებს: „ჩართულნი ვიყავით ონლაინშეხვედრაში, როდესაც მოულოდნელად კავშირი გაწყდა. თავიდან ვიფიქრე, ინტერნეტშეფერხება იქნებოდა, თუმცა ცოტა ხნის შემდეგ საუბრის მცირედი მონაკვეთი მოვისმინე, თუ როგორ ესაუბრებოდა ჩვენი ღვთისმსახური ხელისუფლების წარმომადგენლებს და ეკითხებოდა, თუ რატომ აკეთებდნენ ისინი ამას.“

მიუხედავად ქვეყანაში შექმნილი ამ რთული მდგომარეობისა, რომელიც პანდემიის შედეგადაა გამოწვეული, ხელისუფლება მაინც ყველანაირად ცდილობს, რომ წინ აღუდგეს ქრისტიანულ ეკლესიებს.