ნიკო ნიტაი, ებრაელი მსახიობი, რომელმაც ფილმში „იესო“ მოციქულ პეტრეს როლი განასახიერა. გარდაიცვალა 2020 წლის 23 მარტს, ისრაელში.
ნიტაი ებრაულ ოჯახში დაიბადა 1931 წლის 22 დეკემბერს, რუმინეთის დედაქალაქ ბუქარესტში. მისი ნამდვილი სახელია ნიკუ იაკობი. ის ცნობილი გახლდათ ფილმებით „იესო“ (1979).
ახალგაზრდა ნიტაი ისრაელში წავიდა საცხოვრებლად და თეატრის მსახიობი გახდა, რადგან მასზე ყოველთვის დიდ შთაბეჭდილებას ახდენდა თეატრი.
1979 წელს გადაღებულ ფილმში „იესო“ მისი ხმა უცნობმა ბრიტანელმა გამხმოვანებელმა გაახმოვანა ინგლისურად.
პოლ ეშელმანი თავის წიგნში „მე ახლახან ვიხილე იესო“, წერს, რომ ნიკო ნიტაი ჭეშმარიტი ქრისტიანი გახდა, თუმცა ეს სიმართლეს არ შეესაბამება, რადგან ნიტაი იუდეველი გახლდათ და საჯაროდაც განაცხადა, რომ არ მოსწონდა ფილმი „იესო“ და არც ის, რომ მისი ხმა გამხმოვანებლის ხმით ჩაანაცვლეს.
ნიკო ნიტაიმ ისრაელის ქალაქ იაფოში ჰასიმთას ექსპერიმენტული თეატრი დააარსა 1982 წელს. იმ დროიდან მოყოლებული ის ამ თეატრში მოღვაწეობდა, როგორც მსახიობი და რეჟისორი.