„მე, უპირველეს ყოვლისა, ქრისტიანი ვარ, შემდეგ კი რესპუბლიკელი.“ – განაცხადა აშშ-ის ვიცე-პრეზიდენტმა მაიკ პენსმა ატლანტაში, გასულ ოთხშაბათს გამართულ დემონსტრაციაზე სიტყვით გამოსვლისას.
მაიკ პენსმა ასევე ისაუბრა იმის შესახებ, თუ რატომ იმსახურებს ტრამპის ადმინისტრაცია მეორე ვადით არჩევას. მან განაცხადა, რომ ამაყობს ისეთი პრეზიდენტის გვერდით დგომით, რომელიც სიცოცხლის უფლების მომხრეა, განსხვავებით პრეზიდენტობის მეორე კანდიდატისგან, ჯო ბაიდენისგან. „ჩვენ გვყავს პრეზიდენტი, რომელიც იცავს რწმენასა და თავისუფლებას.“ – დაამატა მან.
ვიცე-პრეზიდენტმა მაიკ პენსმა გამოსვლა დაასრულა ბიბლიური მუხლით: „და ჩემი ერი, რომელიც ჩემი სახელით იწოდება, ქედს მოიდრეკს, ილოცებს, ძებნას დამიწყებს და შემობრუნდება თავისი უკეთური გზიდან, მაშინ ციდან მოვუსმენ, მივუტევებ ცოდვებს და განვკურნავ მათ ქვეყანას.“ (მე-2 ნეშტთა 7:14).
შეგახსენებთ, რომ ატლანტაში ვიცე-პრეზიდენტი წინასაარჩევნო კამპანიის ფარგლებში იმყოფებოდა. იგი შეხვდა თანამდებობის პირებსაც, მათ შორის, გუბერნატორ კემპს.