ცნობილი ებრაელი ისტორიკოსის, იოსებ ფლავიუსის ცნობით, იოანე ნათლისმცემელს თავი მაქერონის ციხეში მოჰკვეთეს, რომელიც მკვდარი ზღვის მახლობლად, თანამედროვე იორდანიაში მდებარეობს. არქეოლოგებს მტკიცედ სჯერათ, რომ საცეკვაო მოედანი, რომელიც მათ აღმოაჩინეს, ნამდვილად ის ადგილია, სადაც იოანე ნათლისმცემელს, წინასწარმეტყველს, რომელიც იესოს შესახებ ქადაგებდა, თავი მოჰკვეთეს ახ. წ-აღ. დაახლოებით, 29 წელს.
ბიბლიური ისტორიებისა და იოსებ ფლავიუსის ცნობით, მეფე ჰეროდე ანტიპას, მეფე ჰეროდეს ერთ-ერთი ვაჟის, ბრძანებით იოანე ნათლისმცემელი სიკვდილით დასაჯეს. მას სურდა, აელაგმა იოანე ნათლისმცემლის გავლენა.
ბიბლიის თანახმად, ჰეროდე ანტიპა აპირებდა დაქორწინებას ქალზე, სახელად ჰეროდია, ისინი ორივენი განქორწინებულები იყვნენ, ამას კი იოანე ნათლისმცემელმა ამორალური საქციელი უწოდა. ჰეროდე ანტიპას დაბადების დღის წვეულებაზე ჰეროდიას ქალიშვილმა, სალომემ, ცეკვა შეასრულა ჰეროდე ანტიპასთვის. მეფეს იმდენად მოეწონა, რომ დაჰპირდა ყველაფრის შესრულებას, რასაც ისურვებდა. დედის დაჟინებული მოთხოვნით, სალომემ იოანე ნათლისმცემლის თავი ითხოვა, რომელიც მიიღო კიდეც ლანგრით.
გიოზო ვოროში, რომელიც მაქერონის გათხრების პროექტის დირექტორი და მკვდარი ზღვის კვლევის ხელმძღვანელია, ბოლო პერიოდში გამოშვებულ წიგნში: „წმინდა მიწის არქეოლოგია“ აცხადებს, რომ მაქერონის ციხის შიდა გაშლილი ეზო, დიდი ალბათობით, არის ადგილი, სადაც სალომე ცეკვავდა და ანტიპამ იოანე ნათლისმცემლის თავის მოკვეთა გადაწყვიტა.
ვოროში აცხადებს, რომ შიდა ეზოში არის ადგილები, სადაც, სავარაუდოდ, იჯდა მეფე ჰეროდე თავის ტახტზე.
1980 წელს არქეოლოგებმა აღმოაჩინეს შიდა ეზო, თუმცა ვოროშის ცნობით, მათ მოგვიანებით დაუკავშირეს ეს ადგილები ჰეროდე ანტიპას ტახტს, რომელიც ასევე უკავშირდება საცეკვაო მოედანსაც. არქეოლოგების ჯგუფი ისევ მუშაობს ეზოს რეკონსტრუქციაზე. წიგნი ასევე შეიცავს სურათებს, თუ, სავარაუდოდ, როგორ გამოიყურებოდა სცენა, რომელზეც სალომემ იცეკვა და სადაც იოანე ნათლისმცემელს თავი მოჰკვეთეს.
![](https://qtv.ge/wp-content/uploads/2021/01/rekonstruction.jpg)