რაოდენ გასაკვირიც არ უნდა იყოს, აშშ-ში ამჟამად ორი ყველაზე პოპულარული პოდკასტი შეეხება არა სპორტს, ახალ ამბებს ან თუნდაც, პოპკულტურას, არამედ ბიბლიას.
„The Bible in a Year“ − ასე ეწოდება პოდკასტს, რომელიც მიჰყავს კათოლიკე მღვდელს, მაიკ შმიტცს და რომელიც პირველ ადგილზეა Apple-ის ჩარტებში. მეორე ადგილზე კი არის პოდკასტი „The Bible Recap“, რომლის წამყვანიც ტარა ლეი კობლია.
პოდკასტში „The Bible in a Year“ შმიტცი კითხულობს წმინდა წერილს და განმარტავს მას. თითოეული გადაცემა 20-25 წუთის ხანგრძლივობისაა.
პოდკასტში „Bible Recap“, კობლი მიმოიხილავს იმ დღისათვის განკუთვნილ ბიბლიურ საკითხავს. თითოეული გადაცემა, დაახლოებით, 8 წუთი გრძელდება. ეს პოდკასტები უსწრებს The New York Times-ის, NBC-ს, ჯო როგანისა და NPR-ის პოდკასტებს.
„გმადლობთ იმისათვის, რომ მსოფლიოში №2 პოდკასტად გვაქციეთ,“ – წერს კობლი „ინსტაგრამის“ გვერდზე.
ჯეფ კევინსი, რომელსაც ხშირად მიჰყავს პოდკასტი „The Bible in a Year“, ამბობს, რომ პოდკასტის პოპულარობა ადამიანების სულიერი წყურვილიდან გამომდინარეობს.
„ღმერთის შეცნობის წყურვილი არ არის რაღაც ერთჯერადი და ხანმოკლე მოვლენა, არამედ ეს გახლავთ განგრძობადი სურვილი. ბიბლიის მიმართ ინტერესი იზრდება.“ – ამბობს კევინსი.