ევინის საპატიმროდან გაათავისუფლეს ირანელი ქრისტიანი ქალი, რომელიც 2018 წლის 22 სექტემბერს დააპატიმრეს „რეჟიმის წინააღმდეგ პროპაგანდისთვის“, როცა ის ქრისტიანული მოძღვრების შესახებ საუბრობდა საშინაო ეკლესიის შენობაში ყოფნისას.
ფატემე ბახტერი, რომელსაც 12 თვე ჰქონდა მისჯილი, 15 მარტს დროებით გაათავისუფლეს კორონავირუსის გავრცელების გამო, თუმცა 12 აპრილს შეატყობინეს, რომ მას ციხეში დაბრუნება აღარ მოუწევს. ამის შესახებ ინფორმაციას ავრცელებს გაერთიანებულ სამეფოში არსებული ორგანიზაცია Christian Solidarity Worldwide.
ბახტერი ერთ-ერთია იმ 85 ათას პატიმარს შორის, რომლებიც მარტში გაათავისუფლეს ვირუსის უფრო მეტად გავრცელების თავიდან ასარიდებლად.
ირანი მეცხრე ადგილზეა იმ ქვეყნებს შორის, სადაც ქრისტიანობა ყველაზე მკაცრად იდევნება ორგანიზაცია „ღია კარების“ ცნობით. ირანში, სულ მცირე, 169 ქრისტიანი იქნა დაპატიმრებული გასულ წელს.
P.S. გთხოვთ, ილოცოთ დევნილი ქრისტიანებისთვის, რომ უფალი დაეხმაროს მათ და შეაძლებინოს სამყაროში თავის გატანა!