ივნისის ბოლო კვირის განმავლობაში, სულ მცირე, 12 ქრისტიანი მორწმუნე დააპატიმრა ირანის რევოლუციის მცველთა კორპუსმა სამ ქალაქში: თეირანში, კარაისა და მალაიერში. ხელისუფლების წარმომადგენლებმა სხვა ბევრი ქრისტიანის შესახებაც მოიპოვეს ინფორმაცია და აცხადებენ, რომ მათ მალე დაკითხვაზე დაიბარებენ.
თეირანის საშინაო ეკლესიაში ერთი სომეხი ეროვნების ქრისტიანი და ხუთი ახალმოქცეული დააკავეს, ხოლო იქ მყოფ დანარჩენ 24 ქრისტიანს მობილური ტელეფონები ჩამოართვეს. კარაისა და მალაიერში კი სამ-სამი ქრისტიანი დააკავეს. მალაიერში დაკავებული სამი ქრისტიანი 1500 აშშ დოლარის გადახდის შემდეგ გაათავისუფლეს. დანარჩენი ცხრა ქრისტიანის შესახებ კი ჯერ არაფერია ცნობილი გარდა იმისა, რომ ორმა მათგანმა უკვე გადაიხადა 2500 აშშ დოლარის ოდენობის გირაო.
დაპატიმრებათა მიზეზი ქრისტიანებისათვის გარკვევით არ დაუსაბუთებიათ. გარდა ამისა, მათ სახლებში ჩატარდა ჩხრეკა; ეძებდნენ ბიბლიას, ქრისტიანულ ლიტერატურას და სხვადასხვა საკომუნიკაციო მოწყობილობას. უნდა აღინიშნოს, რომ უჩვეულო არ არის ირანში ქრისტიანთა დაპატიმრებები, მიუხედავად ირანის განცხადებებისა, რომ ის თავის მოქალაქეებს არ აპატიმრებს მათ შეხედულებათა გამო.