აშშ-ს სახელმწიფო მდივანმა მაიკ პომპეომ ცოტა ხნის წინ გამართულ ღონისძიებაზე განაცხადა, რომ ტრამპის ადმინისტრაცია არ ეთანხმება საერთაშორისო მოთხოვნას იმასთან დაკავშირებით, რომ აბორტი ადამიანის უფლებად გამოაცხადოს. მან ასევე განაცხადა, რომ ცდილობს ყოველი გადაწყვეტილება ღვთის ჭეშმარიტებიდან გამომდინარე მიიღოს.
„აბორტი არ არის ადამიანის უფლება“, თქვა პომპეომ გასულ კვირას აიოვაში გამართულ სამიტზე (Family Leadership Summit). „ის სიცოცხლის გაწირვას მოითხოვს და ჩვენმა ადმინისტრაციამ იცის, რომ ჩვენი უფლებები მოდის ღვთისაგან და არა მთავრობისაგან“, დაამატა სახელმწიფო მდივანმა.
„ჩვენი ადმინისტრაცია დაუბადებელ ჩვილთა უფლებებს იცავს ისე, როგორც არც ერთ ადმინისტრაციას არ დაუცავს ისტორიის განმავლობაში“, განაგრძო პომპეომ და შემდეგ წმინდა წერილიდან ციტატაც მოიყვანა: „…შენ გამომძერწე დედაჩემის წიაღში“ (ფსალმუნი 138:13) და თქვა: „აქედან იწყება სიცოცხლე. წერტილი“.
პომპეომ მიმოიხილა აშშ-ს ადმინისტრაციის აბორტის წინააღმდეგ მიმართული საგარეო პოლიტიკა და განაცხადა, რომ ამერიკის არც ერთი მცხოვრების მიერ გადახდილი გადასახადებიდან ათი ცენტიც კი არ დაირიცხება უცხოურ არასამთავრობო ორგანიზაციის ანგარიშზე, რომელიც აქტიურად ატარებს აბორტებს მსოფლიოს ამა თუ იმ ადგილზე.
„ღმერთმა მომანდო ეს თანამდებობა ამ დროისათვის და ყოველდღიურად ვგრძნობ ვალდებულებას, რომ პატივი ვცე ამ მოწოდებას. ვფიქრობ ჩემს პასუხისმგებლობათა შესახებ და ვცდილობ შევესაბამებოდე ბიბლიურ მოწოდებას კეთილად მნეობასთან დაკავშირებით. კორინთელთა მიმართ 1-ლ წერილში (4:2) დაწერილია: ‘ხოლო მნეს კი უპირველეს ყოვლისა მოეთხოვება, რომ საიმედო იყოს’ .