ნიუ-იორკში, მანჰეტენზე 128 წლის პროტესტანტული ტაძარი ხანძრის შედეგად დაზიანდა. ტაძარი 1892 წელს აშენდა და სწორედ აქ ინახებოდა ნიუ-იორკის ისტორიული თავისუფლების ზარი, რომელიც 1776 წელს აშშ-ის დამოუკიდებლობის დეკლარაციის ხელმოწერის აღსანიშნავად დარეკეს. ჯერჯერობით უცნობია, დაზიანდა თუ არა აღნიშნული ზარი ხანძრის შედეგად.
BBC-ს ცნობით, ხანძარი შაბათს დილით ადრე გაჩნდა ეკლესიის გვერდით ცარიელ შენობაში, საიდანაც ტაძრის შენობასაც მოედო. ცეცხლმა შენობის ძირითადი ნაწილი მნიშვნელოვნად დააზიანა. ხანძრის ჩაქრობისას ოთხმა მეხანძრემ მცირე დაზიანებები მიიღო.
„მისი აღდგენა რთული და შრომატევადი იქნება.“ – განაცხადა სახანძრო სამსახურის უფროსის თანაშემწემ, ჯონ ჰოჯინსმა.
„ეს ჩვენი ნოტრ-დამია და საფრანგეთის მსგავსად ჩვენ მას აღვადგენთ.“ – განაცხადა კონგრესმენმა ჯულზ ჯემინაიმ New York Times-სთან საუბრისას.
ხანძრის გამომწვევი მიზეზის დასადგენად დაწყებულია გამოძიება.