„ხსნის არმიამ“ აღმოსავლეთ ევროპის ტერიტორიაზე 40-დღიანი ლოცვა დაიწყო. გაერთიანებული ლოცვა ჩვენი დროის გამოწვევებს ეხება. ლოცვით ღონისძიებაში მონაწილეობენ: მოლდავეთის, უკრაინის, რუმინეთის, ბულგარეთის და საქართველოს „ხსნის არმიის“ კორპუსები.
მონაწილეები სხვადასხვა ქვეყნიდან მლოცველებს ყოველდღე ვიდეომიმართვებით ამხნევებენ და ბიბლიურ ციტატებს უზიარებენ.
„ეს არის ლოცვის დრო ჩვენი საზოგადოებისთვის, ქვეყნებისთვის, სოციალური სამართლიანობის გამოწვევაზე, რომელიც გავლენას ახდენს მსოფლიოზე, ‘ხსნის არმიასა’ და იესოსთან ჩვენს პირად ურთიერთობებზე.“ – ამბობენ ვიდეომიმართვაში 40-დღიანი ლოცვის ინიციატორები, პოლკოვნიკები კელვინ და შერლიენ პეთიბრიჯები და ადამიანებს ლოცვისკენ მოუწოდებენ.
40-დღიანი ლოცვა აღმოსავლეთ ევროპის ტერიტორიაზე 12 აპრილს დაიწყო და 22 მაისს დასრულდება.