აშშ: კაპიტოლიუმში ბიბლიის კითხვის მარათონი დღეს დასრულდება

ბიბლიის კითხვის მარათონი, რომელიც აშშ-ის ეროვნულ კაპიტოლიუმში, 5 დღის განმავლობაში მიმდინარეობდა, დღეს დასრულდება.

ღონისძიება „Faith & Liberty“-ს  შტაბბინაში გაიმართა, სადაც მონაწილეებმა ბიბლიის კითხვა დაბადების წიგნის 1-ლი თავის პირველი მუხლიდან 12 სექტემბერს, ადგილობრივი დროით ზუსტად 14:00 საათზე დაიწყეს.

90 საათის განმავლობაში შეუჩერებელი კითხვის შემდეგ მარათონი დღეს 16 სექტემბერს, ამერიკის დროით დილის 10 საათზე დასრულდება, გამოცხადების წიგნის 22-ე თავის ბოლო მუხლის წაკითხვით.

კოვიდ-19-ის გამო მარათონი გაზაფხულის ნაცვლად ზაფხულის მიწურულს ჩატარდა.

„Seedline International“-მა, რომელიც ბიბლიის გამავრცელებელი ორგანიზაციაა ბრაზილიაში, ამ მარათონის ხელშეწყობა 2019 წელს დაიწყო.

მისმა დამფუძნებელმა ქეით დევიდსონმა განაცხადა, რომ აღნიშნული ღონისძიების მიზანია „მოწოდება ხალხისთვის, რომ დაუბრუნდნენ ბიბლიურ პრინციპებს.“

მარათონის განმავლობაში ასობით ადამიანს ეძლევა შესაძლებლობა, წაიკითხონ ბიბლიის მუხლები; მათაც, ვინც მარათონს ესწრება და ვინც პირდაპირ ეთერშია ჩართული.

„Seedline International“-ი ასევე აპირებს, რომ შედგომი მარათონი 100 სხვადასხვაენოვანი ბიბლიით მოამარაგოს, რათა მკითხველებს შესაძლებლობა ჰქონდეთ, მარათონის ფარგლებში, ბიბლია მშობლიურ ენაზე წაიკითხონ.

„ეს მარათონი, განსაკუთრებით წელს, ძალიან სჭირდება ჩვენს ქვეყანას, რადგან ჩვენი იმედი ღვთის სიტყვაშია. ბიბლია ხომ ჩვენი ფუნდამენტია.“ – განაცხადა დევიდსონმა.