შეერთებული შტატების დაავადებათა კონტროლისა და პრევენციის ცენტრების (CDC) გასულ კვირას გამოქვეყნებული მონაცემების მიხედვით, 2009-2018 წლებში ფიქსირდება აბორტების კოეფიციენტის, მაჩვენებლის და მათი საერთო რაოდენობის მნიშვნელოვანი კლება. 2009 წლიდან 2018 წლამდე აბორტების საერთო რაოდენობამ 22%-ით იკლო.
ანგარიშში დამუშავებულია ყველა შტატის მიერ მოწოდებული მონაცემები, გარდა ორი შტატისა (კალიფორნია და ნიუ-ჰემპშირი), რომელთაც არ მიუწოდებიათ CDC-სთვის ამ წლების მონაცემები.
„მთლიანობაში, ეს ძალიან სასიხარულო ამბავია სიცოცხლის მომხრეთათვის.“ – აცხადებს მაიკლ ნიუ, სიცოცხლის ინტერესების დამცველი და ამერიკის კათოლიკური უნივერსიტეტის სოციალური კვლევებისა და პოლიტიკური მეცნიერების პროფესორი.
National Review-ში მაიკლ ნიუ წერს: მიუხედავად იმისა, რომ მასმედია ხშირად კონტრაცეპტივების მოხმარებას ასახელებს აბორტების კლების მიზეზად, გუტმახერის ინსტიტუტის მონაცემები აჩვენებს, რომ 1980 წლიდან მოყოლებული პროცენტულად მატულობს იმ დაუგეგმავი ორსულობების რიცხვი, რომლებიც ქალებმა არ შეწყვიტეს. გუტმახერი ქალის არჩევანის მომხრე კვლევითი ორგანიზაციაა.
„CDC და გუტმახერის სტატისტიკა გვიჩვენებს დამაჯერებელ მტკიცებულებებს იმისა, რომ სიცოცხლის მომხრეების საგანმანათლებლო, მომსახურეობრივი და საკანონმდებლო ძალისხმევა ნაყოფიერი აღმოჩნდა. ვიმედოვნებთ, რომ CDC-ს განახლებული მონაცემები სიცოცხლის მომხრეებს ცოტაოდენ გაამხნევებს, რადგან ჩვენ არ ვწყვეტთ ძალისხმევას, ვიბრძოლოთ სიცოცხლისთვის.“ – აცხადებს მაიკლ ნიუ.