მეგაეკლესიამ Transformation Church ოკლაჰომის შტატის ქალაქ ტალსაში საქველმოქმედო მიზნებისთვის სავაჭრო ცენტრი შეიძინა. სავაჭრო ცენტრის შეძენა ეკლესიას 20 მლნ დოლარზე მეტი დაუჯდა.
ეკლესიის მიზანია, სავაჭრო ცენტრ Post Rock Plaza-სგან მიღებული შემოსავლით დაეხმაროს ღარიბებს და გასწიოს სხვა საქველმოქმედო სამუშაოები.
„ჩვენ გვსურდა, რომ ეს ყოფილიყო გრძელვადიანი ინვესტიცია ეკლესიისთვის, რათა მიღებული შემოსავლით საშუალება გვქონოდა, კურთხევა ვყოფილიყავით ჩვენი საზოგადოებისთვის.“ – ამბობს ეკლესიის უფროსი ხუცესი მაიკლ ტოდი.
შეძენილ სავაჭრო ცენტრში 34 ბიზნესია წარმოდგენილი. ერთ-ერთი ბიზნესის, Oklahoma Hand and Physical therapy-ის წარმომადგენელი რონდა მილეტი ფიქრობს, რომ სავაჭრო ცენტრის მესაკუთრის შეცვლა მათ ბიზნესზე, სავარაუდოდ, არანაირ გავლენას არ იქონიებს; რომ ის მოხარულია ახალი მესაკუთრეების კეთილი ნებით და იმით, რის გაკეთებასაც ისინი გეგმავენ მათი ქირის გადასახადებით.
ეკლესია Transformation Church ერთ-ერთი ყველაზე ცნობილი და მრავალრიცხოვანი ეკლესიაა ტალსაში.